Home Notisia Dadus PNTL, Total nain 49 Mate Iha Estrada Tanba La Kumpri Regras...

Dadus PNTL, Total nain 49 Mate Iha Estrada Tanba La Kumpri Regras Tranzitu

903
0
Polisia tranzitu halao hela kontrolu iha estrada ba transporte sira. [Foto: Copyright media PNTL | 24.09.2020]

Reportazen Adalgisa Pereira

“Motor beat ne’e nia Sistema seguransa la diak tanba ne’e iha hela diskusaun ih future karik governu autoriza hapara tiha importasaun motor beat tanba nia involve asidente bark liu no ema sira ne’e ami investiga katak sira deskontroladu ba sira nia motor”. Joao Belo dos Reis

Relasiona ho loron mundial lian jestual kkipa Jestaun Sala Leitura Xanana Gusmão ho Youth Community Care (YCC) realiza seminariu hodi fahe informasaun importante sira konaba komunikasaun ne’ebe inklusivu.

Iha seminariu ne’e alende orador sira fahe informasaun konaba emaho difisiensia sira, iha mos orador hosi Polisia Nasional Timor-Leste ne’ebe koalia konaba tranzitu roda viario.

Diretor Departementu Tranzitu Roda Viario, Joao Belo dos Reis ne’ebe hatoo konaba importansia sinais trafiku ba motorista sira. Nia dehan, “ita nia feen ho oan hein hela iha uma, labele hafoer ita nia raan iha Estrada, liafuan nee simples maibe soke ita nia fuan. Ema barak uza dalan la kompri regras tranzitu tamba nee hamosu asidente no mos laiha karta kondusaun”.

Nia esplika kuandu utilzador dalan sira ne’e la kumpri regras tranzitu, ba ema ne’ebe kompridor mos sei lori todan. Tinan ida ne’e hahu hosi Janeiru to’o Septembru ema mate iha Estrada hamutuk 49. Kauza hosi asidente ne’e tanba hahalok ema nia lakohi kumpri regras tranzitu, laiha karta kondusaun maibe hakarak lori transporte ba Estrada publiku.

Nia dehan maske iha Lei hateten tenke iha karta kondusaun no dokumentu validu, maibe dalabarak polisia halo check point, dokumentu validu balun laiha no karta kondusaun laiha.

Diretor ne’e mos dehan katak halo ona diskusaun ho governu, karik governu sei autoriza haara tiha importasan motorizada automatic Beat tanba nia involve asidente barak liu. Tanba tuir dadus kauza hosi motor beat akontese kazu 29.

“Motor beat ne’e nia Sistema seguransa la diak tanba ne’e iha hela diskusaun ih future karik governu autoriza hapara tiha importasaun motor beat tanba nia involve asidente bark liu no ema sira ne’e ami investiga katak sira deskontroladu ba sira nia motor”, hateten Joao Belo dos Reis

Iha fatin hanesan Sesaun Apouiu, Linu Martins hateten tenke hateten konaba regulametu Estrada publiku, atu nune’e labele hetan asidente hanesain sinais tranzitu no sinalizasaun transitu.

Tuir dadus ne’ebe Polisia Tranzitu Roda Viario akumula ba tinan ida ne’e, hosi Janeiru to’o Septembru ema kanek kamaan nain 108, kanek todan nain 204, ema mate hamutuk nain 49, hosi numeru ne’e total asidente trafiku hamutuk 1011. Prosesu final hamutuk 49, prosesu iha Tribunal hamutuk 32, sei prosesu investigasaun hamutuk 389, resolvidu hamutuk 541. Ba sira ne’ebe laiha karta kondusuan hamutuk 505, faktores ne’ebe halo kauza asidente mak factor ema, kareta, luron no natureza.

Seminariu ne’e realiza iha Sala Leitura Xanana Gusmao no hetan partisipasaun masimu hosi estudante no maluk difisiensia tilun sira .

Print Friendly, PDF & Email

LEAVE A REPLY

Please enter your comment!
Please enter your name here