Home Notisia Balun Uza Toilet Iha Largo La Ho Konsiensia, Bernardete: Estadu Kria Fatin...

Balun Uza Toilet Iha Largo La Ho Konsiensia, Bernardete: Estadu Kria Fatin Diak, Ita Estraga Fali

311
0
Cleaner Bernadete da Costa Ximenes hamoos hela toilet iha Largo. [Foto: Francisco JDA | 12.11.2020]

Reportazen Francisco JDA

Rai Dili sidade se mak la hatene, ai-kasi funan furak halo Dili matak, muzika autor Tony Pereira nudar muzika furak ida konaba Dili. Muzika ne’e par liu bainhira Dili ne’e ses hosi lixu, maibe ida ne’e la akontese, ema balun kontinua laiha konsiensia hodi soe lixu arbiru, uza toilet la ho konsiensia no fo impaktu ba saude liu-liu jardim Largo Lecidere.

Jornalista Neon Metin observa besik ba largo Lecidere ne’ebe sempre iha lixu oin-oin ne’ebe soe namkari. Bainhira hateke ba iha jardim nia leet hetan los inan feto ida ne’ebe halo nia knaar nudar cleaner, hodi tau matan jardim sira atu kontinua moos no bonita.

Nia Bernadete da Costa Ximenes, kada loron sempre dasa tuir lixu hirak ne’ebe soe iha jardim refere, ba Neon Metin nia haktuir katak dader sai hosi uma hahú 06:30 no to’o iha largo 07:00 halo serbisu no sai serbisu tuku 05:00 lolos, mai hamos haris fatin sira ne’e nune ema bele uza ho diak, maibé ema barak uza haris fatin ne’e la ho responsabilidade.

“Sira ne’ebe iha konsensia, sira bele uja haris fatin ho diak, sira ne’ebe la iha konsensia sira mai ne’e arbiru deit balun halo sintina fatin ne’e halo monu rahun, sira balun hakarak mai lalais sira sobu tornera sira ne’e no gaiun sira baku rahun, se sira halo mak hau hare, hau dehan ba sira la bele halo hanesan ne’e, estadu halo ba ita hotu iha ne’e atu uza ho diak, nune’e hanesan ita mai  tur halimar iha ne’e. Hau senti triste tebes estadu kria fatin diak ba ita hakarak estraga, ne’e la dun diak”, hatete Cleaner Bernadete da Costa Ximenes iha Sanitariu Largo Lecidere, 11/11/20

Maske ema balun sei laiha konsiensia, maibe Bernadete kontente hodi halao nia knaar hodi kontinua hamoos jardim. Nia husu ba vizitante sira ne’ebe sempre pas tempu labele soe lixu arbiru no uza haris fatin ho diak, labele halo foer tanba fatin ne’e estadu nian

Iha Fatin hanesan Neon Metin mos koko dada lia ho Supervisor Operasionál ba toilet públiku iha Dili laran nian, Jaime Soares Maria Magno, ba Neon Metin nia hateten iha largo koloka cleaner nain 4 maibe troka malu, iha mos difikuldade tanba regra fo ona, atu koidadu maibe kontinua la kumpri, tanba bele intupidu maibe ema balun la komprende.

“Ami koko pasiénsia nafatin, fo hanoin ba sira respeita ami nia serbisu. Estadu kria ona ita an rasik mak atu kuidadu sasán sira ne’e, se mai hakarak estraga no sobu se mak atu kuidadu. Ita tenki fo ezemplu diak, atu nune’e estrangeiro mai atu asesu toitel públiku, fo duni valores”, akresenta Supervisor Operasional Tolet Publiku Dili, Jaime Soares Maia Magno

Print Friendly, PDF & Email

LEAVE A REPLY

Please enter your comment!
Please enter your name here