Home Notisia COVID-19, Missa Tinan Foun Sarani Sira Akompanha Hosi GMN-TV

COVID-19, Missa Tinan Foun Sarani Sira Akompanha Hosi GMN-TV

642
0
Arsebispu Metropolitana Dili no Pro-Presidente CET, Dom Virgílio do Carmo da Silva, SDB. [Foto: Marcio | 30.12.2020]

Reportazen Marcio Morato Pinto

Relasiona ho numeru afetadu virus Corona  iha Timor-Leste ne’ebe sae ba 13, liu hosi konferensia imprensa Episkopal Timorense (CET) fo orientasaun ba desizaun sira, atu sarani sira sei selebra tinan foun 31 de Dezembru no festa Mãe de Deus iha loron 1 de Jeneiro 2021 hosi transmisaun ne’ebe media sira sei halo.

Arsebispu Metropolitana Dili no Pro-Presidente CET, Dom Virgílio do Carmo da Silva, SDB, husu ba Amo lulik sira atu bele kompri no divulga dekretu Papal konaba COVID-19 nian no hosi Dekretu ida ne’e, Amo Bispo sira deside katak selebresaun liturgika sira hotu, liuliu iha loron 31 no 1 de Janeiru 2021, laiha partisipaun sarani sira nian atu selebra Santa missa iha igreja, maibe sei selebra transmisaun direta hosi GMN-TV.

“GMN-TV sei fo sai transmisaun direta iha 8:00 kalan no dia 1 de Janeiru iha 8:00 dader”, dehan Arsebispu Metropolitana Dili no Pro-Presidente CET, Dom Virgílio do Carmo da Silva, SDB, iha komunikadu Imprensa, Diosese Dili 30/12.

Dom Virgilio do Carmo haforsa katak biar la simu komuniaun eukaristiku maibe halo orasaun komuniaun spirutal hanesan iha tempo Paskoa ne’ebe liu ona, maske hatene katak missa sem komuniaun ne’e hatudu katak Missa la kompetu maibe hare ba situsaun sira ne’e, tempu kalamidade, publika mundial, uma kreda dispensa sarani sira hosi komuniaun eukaristiku no konvida sarani halo komuniaun espiritual.

“Atu evita perigo de kontajiu husu ba Amu Lulik sira, atu tuir rigorasamente orientasaun no desizaun Amu Papa no Konferensia Episkopal Timorense nian. Ba konventu sira, seminario sira no komunidade relijiuzu no Relijiuza sira bele haloa selebrasaun ba deit membru komunidade sira nian” haktuir Dom Virgílio.

Pro-Presidente CET hateten katak iha tempo susar sira hanesan ne’e, halo buat ne’ebe bele halo no ida ne’ebe labele halo husik iha Maromak nia liman, nune’e husu ba sidadaun ida-idak atu hola responsabilidade ba povo ninia diak.

Konferensia Episkopal Timorense (CET), reativa fila fali deit komunikadu ne’ebe fó sai ona iha loron 24 Fulan Marsu 2020 ba Amu Lulik no sarani tomak iha Timor atu kompri regras no normas relasiona ho Virus COVID-19 nian.

Entretantu orientasun sira ne’e vigora hahu ohin 30 de Dezembru 2020, hodi hein orientasaun foun sira seluk ne’ebe sei fó sai fila fali.

Print Friendly, PDF & Email

LEAVE A REPLY

Please enter your comment!
Please enter your name here