Home Saude Sidadaun Timor nain 1 konfirmadu Positivu COVID-19, Atual Baixa Sai Ba 18

Sidadaun Timor nain 1 konfirmadu Positivu COVID-19, Atual Baixa Sai Ba 18

722
0
Koordenador Pilar VII COVID-19 Dr. Nilton do Carmo da Silva. [Foto: David da Costa | 27.01.2021]

Reportazen David da Costa Gusmao

Ministeiru Saude rejista tan sidadaun timór-oan nain 1 konfirmadu positivu COVID-19, pasiente mane ho idade 27  iha sintomas hanesan isin koleng no tolan kaben moras, maluk refere agora iha ona sala izolamentu Vera Cruz.

Liu hosi konferensia imprensa Koordenador Pilar VII COVID-19 Dr. Nilton do Carmo da Silva relata ba jornalista sira katak, iha loron 24 Janeiru pasiente ne’e informa ba médiku iha fatin kuarentena katak iha sintomas, ho ida ne’e ekipa vijilánsia responde kedas hodi halo teste swab ka foti amostra no rezultadu teste husi laboratóriu relata konfirmad positivu COVID-19.

“Ami nia ekipa jestaun COVID-19 iha Pilár VII evakua kedas pasiente refere ba iha izolamentu Vera Cruz”, dehan Dr. Nilton ba jornalista sira iha palacio da Cinzas Kaikoli, 27/01.

Nia subliña maluk ne’e nia mai husi Indonézia hamutuk ho pasiente pozetivu hirak ne’ebé dadaun ne’e iha sala izolamentu Vera Cruz. Sira tama mai Timor-Leste liu hosi pontu entrada Batu-Gede iha loron Kuarta 20 Janeiru semana kotuk no iha Dili nia hela iha kuarentena ótel Novo Horizonte.

Entertantu dadus akumulativu teste 18.260, hein rezultadu 319, akumulativu kazu 68, akumulativu rekopera 50, kazu foun 1, atual baixa sae ba 18, rezultadu negativu 18.237.

Total kuarentina 266 kompostu husi dili 137, munisipiu 129, auto kuarentina  178 husi Dili 174, muncipiu 4, no pasa on aba  iha loron 14 hamutuk 7.382, husi Dili 6.118 no munisipiu 1.264.

Print Friendly, PDF & Email

LEAVE A REPLY

Please enter your comment!
Please enter your name here