Home Notisia RFTL ho WV Estabelese Forum Hapara Violensia Kontra Feto no Labarik Feto

RFTL ho WV Estabelese Forum Hapara Violensia Kontra Feto no Labarik Feto

218
0
Lansamentu Forum Nasional. [Foto: Media UN Women | 18.02.2021]

Reportazen Zevonia Vieira

Liu hosi Uniaun Europea no Nasoens Unidas Inisiativa Spotlight, Forum Nasionál ba Hapara Violénsia Hasoru Feto no Labarik Feto sira (Forum EVAWG), lansa ona hosi Rede Feto  Timor-Leste (RFTL) parseria hamutuk ho World Vision Timor-Leste, hodi fó dalan ba kolaborasaun no solidariedade ba grupu oioin ne’ ebé serbisu ba hapara violénsia hasoru feto no labarik feto sira.

Forum Hapara Violénsia Hasoru Feto no Labarik Feto sira, sei sai hanesan dalan foun ida atu hasa’e kapasidade, koñesimentu no pratika diak konaba hapara violénsia hasoru feto no labarik feto sira no promove kolaborasaun entre grupu sira.

Liu hosi komunikadu imprensa ne’ebe Nein Metin asesu esplika katak koñesimentu no akompañamentu sei enkoraja solidariedade no inisiativa komplementária sira. Forum Hapara Violénsia Hasoru Feto no Labarik Feto sira, sei envolve organizasaun sosiedade sivíl hosi nivel nasionál no munisipál, inklui grupu direitu feto, organizasaun ema ho defisiénsia, asosiasaun traballadór doméstika, lesbian, gay, biseksuál, transjéneru, no interseksu (LGBTI), organizasaun joven no labarik-feto sira, ne ‘ebé serbisu atu prevene violénsia, média, ema moris ho HIV/SIDA hodi hasa’ e abilidade no kapasidade organizasaun hosi autór serbisu ba hapara violénsia hasoru feto no labarik feto sira nian.

Embaixador UE iha Timor-Leste, Andrew Jacobs hateten Uniaun Europeia sente orgullu hodi apoia Inisiativa Spotlight.

“Ami iha komitmentu maka ‘as atu hapara krime violénsia hasoru feto no labarik feto sira, ne’ebé sai ona hanesan konflitu ne’ ebé a’at tebes iha ita nia sosiedade tomak. Ida ne’e sei imposivel atu kombate violénsia bazeia ba jéneru ho susesu, sein iha involvimentu hosi sosiedade sivíl”, dehan Embaixador UE

Nia hatutan organizasaun sosiedade sivíl sira dala barak mak sai hanesan autór primeiru atu deteta no responde ba problema sira. Sira to’o iha komunidade no familia sira, governu no instituisaun sira, provoka mudansa no buka solusaun. Forum ne ‘e sai nu’ udar oportunidade diak ida ba organizasaun sosiedade sivíl sira, atu deside hamutuk oinsá atu kolabora hamutuk ho forsa sira hodi prevene violénsia seksuál, proteje vítima sira, hapara impunidade ba arguidu sira, no atu asegura asesu ba saúde no justisa ba vítima sira.

Iha fatin hanesan Prezidente Konsellu Rede Feto, Yasinta Lujinda afirma katak Rede Feto Timor-Leste hanesan organizasaun sombriña ida ba organizasaun feto hamutuk 46 iha teritóriu laran tomak ne’ebé mak iha  espesialidade, koñesimentu no esperiénsia hodi hapara violénsia kontra feto no labarik feto sira liuhosi kampaña sensibilizasaun, kampaña média, fornese uma mahon seguru, serbisu médiku forénsiku sira, akonsellamentu, asisténsia legál no empoderamentu ekonómiku ba sobrevivente violénsiasira.

“Ami rekoñese katak hapara violénsia kontra feto no labarik feto la’os deit responsabilidade hosi organizasaun feto sira, ami nia responsabilidade mos atu serbisu hamutuk ho organizasaun mane, organizasaun juventude, média, líder komunitáriu, líder relijiozu no líder estadu sira atu hapara violénsia hasoru feto no labarik-feto sira iha ita nia sosiedade”, dehan Yasinta

Estabelesimentu Forum Nasionál Hapara Violénsia Hasoru Feto no Labarik Feto sira hanesan parte ida hosi parseria ida ho valór USD 98,781 ne ‘ebé lidera hosi Rede Feto no implementa hamutuk ho World Vision, ho apoiu hosi UN Women nu’ udar ajénsia ONU nian hosi Inisiativa Spotlight. Parseria ne ‘e halo parte ba esforsu sira hosi Inisiativa Spotlight nian hodi reforsa movimentu feto sira nian no organizasaun sosiedade sivíl sira, atu nune’ e sira bele influénsia no avansa ho forma ne ‘ebé efikás liután ba oin hodi hapara violénsia kontra feto no labarik feto sira.

Koordenadór Rezidente ONU, Roy Trivedy fahe nia diskursu hateten violénsia hasoru feto no labarik feto nudar moras-peste ida ne’ebe tenke elimina iha sosiedade hotu-hotu. Iha Timor-Leste, karik ita bele responde ba violénsia bazeia ba jéneru iha tinan lima to ‘o sanulu oin mai, ita bele hatene katak ita-nia oportunidade sira atu alkansa objetivu sira husi Dezenvolvimentu Sustentavel to’ o tinan 2030 sei aumenta maka ‘as.

Forum Nasionál hapara Violénsia Kontra Feto no Labarik Feto loke espasu ba kolaborasaun entre OSS sira, ONU no parseiru xave sira seluk atu servisu hamutuk ho povu Timor-Leste hodi elimina, dala ida no ba ema hotu, forma violénsia hotu-hotu hasoru feto no labarik-feto sira. ONU prontu atu suporta Forum Hapara Violénsia Hasoru Feto no Labarik Feto sira ida ne’e no atu asegura katak feto no labarik feto sira bele goza sira nia moris livre hosi violénsia.”

Investimentu tinan tolu hosi programa EU-ne’ ebé hetan apoiu iha Timor-Leste ho montante dolar millaun 15. Ninia objetivu mak atu hametin kuadru legál no instituisaun sira nasaun nian, promove norma sosiál pozitivu sira, hasa ‘e asesu ba servisu apoiu nian sira ba sobrevivente sira husi violénsia, hadi’ a rekolla no utilizasaun dadus sira hodi halo polítika ida ne ‘ebé di’ ak liu no hametin parseria ho organizasaun sosiedade sivíl sira.

Print Friendly, PDF & Email

LEAVE A REPLY

Please enter your comment!
Please enter your name here