Home Justisa Krize Myanmar, Feto 600 Inklui LGBTIQ+ Hasoru Violensia, UN Women Kondena Makaas

Krize Myanmar, Feto 600 Inklui LGBTIQ+ Hasoru Violensia, UN Women Kondena Makaas

1219
0
Movimentu Feto sira halo asaun hasoru rezim militar iha Myanmar. [Foto: Copyright Hafeeza Shareef | 12.03.2021]

Reportazen Zevonia Vieira

Sub-SeKretário-Jeral ONU no Diretora Exekutiva UN Women, Phumzile Mlambo-Ngcuka hato’o soliedaridade ba povu Myanmar, hodi kondena makaas aktu violensia no abuzu poder ne’ebe hamate asaun dame ne’ebe akontese iha Myanmar, hodi hatoo sentimentu klean ba aktu violensia ba target sira ne’ebe identifikadu no la proposional ba feto maluk sira ne’ebe involve mos iha asaun refere.

Liu hosi komunikadu imprensa ne’ebe Neon Metin asesu esplika katak responde repressivo ne’e hamate ona feto nain neen no feto maluk nain 600 inklui feto foinsa’e, LGBTIQ+ no ativisita sivil sira. Alende ne’e, sira ne’ebe hetan kapturasaun, tuir informasaun sira mos hetan abuzu sexual.

“Feto sira halao ona sira nia knaar importante iha tempu naruk no importante iha istoria Myanmar nian. Sira kontinua halo  no labele hasoru aktu violentu no labele hetan sansaun karena ne’e parte hosi espresaun dame hosi sira nia prespektiva”, komunikadu imprensa hosi UN Women.

Myanmar nudar nasaun ida ne’ebe mos asina konvensaun eliminasaun ba diskriminasaun hotu hasoru feto (CEDAW, sigla English) ne’ebe hateten katak dezenvolvimentu iha nasaun, bem-estar mundial no objetivu harii pas, presiza partisipasaun masimu hosi feto maluk sira ne’ebe igual ka balansu ho mane sira iha seitor hotu-hotu no garantidu.

Komite CEDAW deklara katak violasaun hasoru feto nudar aktu diskriminasaun ne’ebe bandu bazea ba konvensaun.

“Ami hatoo ba military no polisia Myanmar katak tenke hetan respeitu ba direitu movimentu hodi halo asaun dame no ba manifestante sira, inklui feto maluk sira, labele hetan sansaung. Ami mos kontinua hakilar hatoo ba military no polisia hodi respeita direitus umanus feto nian, ne’ebe hetan kaptura hosi sira, hodi lalais husik sira livre hosi komarka”, dehan Phumzile Mlambo-Ngcuka, 12/03

Print Friendly, PDF & Email

LEAVE A REPLY

Please enter your comment!
Please enter your name here