Reportazen Francisco JDA
“Se serka Sanitaria ne’e extende tan, bele mate hamlaha tanba rendimentu ne’e ami hetan de’it hosi lori transporte públiku”. Motorista Afonso
Pandemia COVID-19, ne’ebé dadaun ne’e fo impaktu ba sidadaun nia atividade, tanba numeru pozitivu kada laran kontinua sae, sa tan ho implementasaun serka sanitaria, fo impaktu boot ba transpote publiku paradu, no fo kauza ba motorista sira nia rendimentu menus, no susar ba sira atu responde ba nesesidade bazika.
Neon Metin dadalia ho motorista mikrolete 05, Elio Afonso hodi hatene tuir situasaun ne’ebe nia hasoru, ba Neon Metin nian Motorista ne’e hateten bainhira seidauk iha serka Sanitaria hetan rendimentu ne’ebé normál no to’o ba nesesidade uma laran, maibé tama tiha ba serka Sanitaria rendimentu mós menus, hodi implika ba uma laran, satan hela iha kost ne’e susar tebes, tanba ne’e husu governu hodi tau matan netik.
“Governu tenki tau matan mós ba ami hanesan foho oan ne’ebé mai buka moris iha Dili, ha’u nia vida moris mak lor-loron ho kundoutor, se ami la halai ami nia rendimentu monu, entaun loron ida ami gasta de’it $1.00 ba nesesidade uma laran, ami tauk tanba rendimentu la iha, maibé uluk seidauk serka Sanitaria loron ida bele hetan to’o $10.00 to’o $15.00. Ami nia moris mós depende ba Transporte públiku ami halai kareta mak patraun bele selu,” hateten motorista Afonso iha Tasi Tolu, 17/03
Nia sujere ba governu se bele transporte públiku bele halai maibé kumpre ba distansiamentu sosial no kumpri protokolu saude nian, “se serka Sanitaria ne’e extende tan, bele mate hamlaha tanba rendimentu ne’e ami hetan de’it hosi lori transporte públiku”.
