Reportajen Zevonia Vieira
Ministériu Saúde iha loron 11 Fevereiru deteta tan kazu foun COVID-19 hamutuk 243, nune’e kazu ativu sae ba 1291.
Liuhusi komunikadu imprensa ne’ebe Neon Metin asesu Koordenador Jeral Surtu COVID-19, Dra. Odete da Silva Viegas hateten númeru kazu detetadu foun 243, total kazu rekuperadu 158, ema ne’ebé hala’o tratamentu ospitalizadu nain 3. Óbitu nain ida.
Munisipiu ida la iha kazu ativu no munisipiu 10 ho RAEOA sei iha kazu esporádiku, no kapital DILI ho Transmisaun Komunitaria. Kobertura vasina kompletu (doze 2) iha Timor-Leste tomak, foin maka 71.2%.
Total kazu konfirmadu kumulativu sura husi loron 21 Marsu 2022 to’o ohin loron hamutuk 21401 no total óbitu ne’ebé relata ohin, 11 Fevereiro de 2022 nain 1, pasiente feto idade 53, residente iha Dili-Dom Aleixo-Bebonuk, foti amostra iha HNGV iha Loron 10/02/2022.
Mate iha Hospital Nacional Guido Valadares iha Horas 23:30 horikalan. Pasiente seidauk Vasina. Ho Diagnóstico final Bronquiectasia, electrolites imbalance, Pulmonary TB in Continuation + Covid-19 (CT: 30.1).
