Home Notisia Oe-cusse Rejista Pozitivu COVID-19, Lucia:Tenke Iha Estratejia Diak Iha Fronteira

Oe-cusse Rejista Pozitivu COVID-19, Lucia:Tenke Iha Estratejia Diak Iha Fronteira

532
0
Deputada Bankada CNRT, Lucia Taeki. [Foto: Francisco JDA | 18.03.2021]

Reportazen Francisco JDA

“Importadu signifika nia tama kedan iha kuarentena mak nia mosu, ha’u hanoin ida ne’e doutor sira hatene ona, ita prevene mak mosu iha komunidade nia leet, hadaet ba malu ida ne’e hanoin governu tenki hala’o asaun”. Deputadu Adriano

Konfirmadu COVID-19 nain ida iha Oe-cusse ne’ebe Ministeriu Saude deteta horseik loron 18 Marsu, ho situasaun ne’e Deputada Bankada CNRT, Lucia Taeki ba jornalista sira hateten, kazu pozitivu iha Oecusse ne’e la’ós transmisaun lokál, ne’e importadu nune’e fó hanoin ba povu Oe-cusse no autoridade sira, atu atu labele simu demais ba ema tama, tanba povu atu livre ne’e nain mak tenki la’o tuir protokolu ne’ebe Organizasaun Mundiál Saúde (OMS) fo sai ona.

“Se ita hatene katak, ita nia povu ne’e livre hosi moras ida ne’e ,sira nain mak tenki la’o tuir protokolu ne’ebé OMS fó tiha ona, ida-ida tenki uza maskra wainhira sai hosi uma, nune’e fase liman wainhira kaer liman ho ema seluk, nune’e mós  autoridade tenki hanoin ona estratéjia atu taka fronteira, se ita nia ema labarik sira ba eskola mak remata ona, ne’e ita simu tanba”, hateten Deputada Bankada CNRT, Lucia Taeki iha Parlamentu Nasionál, 18/03

Deputada ne’e husu autoridade RAEOA bele halo Serka Sanitaria, liuliu iha fronteira hanesan iha Napen, Pasabe, Naktuka no Sakato atu nune’e labele fo demais ema Indonézia atu tama maibé sasán bele tama liu hosi desinfekta.

Iha fatin hanesan Deputadu Bankada Partidu Democratiku (PD), Adriano Nasimentu informa katak, kazu ne’e mosu mak hadaet iha komunidade, presiza serka sanitaria maibé ema individual ne’e tama iha Oe-cusse no ba kedas iha kuarentena no iha kuarentena mak hetan pozitivu ida, bele isola kedas atu nune’e labele daet ba ema seluk.

“Importadu signifika nia tama kedan iha kuarentena mak nia mosu, ha’u hanoin ida ne’e doutor sira hatene ona, ita prevene mak mosu iha komunidade nia leet, hadaet ba malu ida ne’e hanoin governu tenki hala’o asaun”, dehan deputadu Adriano Nasimentu

Print Friendly, PDF & Email

LEAVE A REPLY

Please enter your comment!
Please enter your name here