Home Saude Ekipa Konjuta Saude Deklara Iha Cluster 11 Mak La Ativu Ona...

Ekipa Konjuta Saude Deklara Iha Cluster 11 Mak La Ativu Ona Iha Transmisaun COVID-19

242
0
Ilustrasaun ba imunidade kontra virus Corona. [Foto: Copyright Pinter Resep | 13.04.2020]

Reportazen Zevonia Vieira

Ohin loron 28 Marsu 2021 kompleta ona semana tolu, ne’ebe hahu deteta kazu konfirmadu pozitivu COVID-19 iha BTN II, Aldeia Terrasanta, Suku Madohi, no mós kazu iha Aldeia 20 de Setembru, Suku Bebonuk.

Liu hosi zoom press conference, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa ba jornalista sira katak to’o ohin loron 28 Marsu, iha cluster total 54 iha Munisipiu Dili, maibé ho baze da evolusaun propagasaun virus iha cluster sira ne’e, durante semana rua ikus, sura husi dia 14 Marsu 2021, ekipa konjunta saúde deside atu deklara katak iha cluster 11 (20%), maka la ativu ona iha transmisaun virus, tamba iha semana 2 nia laran ona la iha kazu foun, no sira ne’ebé kontaktu-besik ho kazu pozitivu iha cluster hirak ne’e, sira nia rezultadu teste PCR negativu dala rua. Ho nune’e, iha Munisipiu Dili, sei iha cluster 43 maka sei nafatin hatudu atividade hadaet tutan virus SARS-CoV-2 husi ema ida ba ema seluk.

Dadus jeral ba loron 28 Marsu deteta kazu foun hamutuk 11, kazu rekuperadu 13, kazu ativu 322, hosi kazu foun nain 11 ohin iha mane nain 7, feto nain 4, sira hotu la ho asintomatiku.

Husi horiseik loron 27 Marsu to’o loron 28 Marsu hamutuk ema nain 497 mak halo teste PCR, inklui ona iha laran 196 ne’ebé mai husi pedidu autorizasaun esepsionál atu sai husi serka sanitária iha Munisipiu Dili.

Print Friendly, PDF & Email

LEAVE A REPLY

Please enter your comment!
Please enter your name here