Reportazen Zevonia Vieira
Ministeriu Saude (MS) deteta tan kazu konfirmadu foun COVID-19 hamutuk 21, liu hosi komunikadu imprensa ne’ebe Neon Metin asesu iha loron 29/03, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS, Dr Rui Maria de Araújo informa ba jornalista sira katak evolusaun surtu COVID-19 iha municipio Dili ohin detet kazu foun hamutuk 21, nune’e, kazu detetadu ka pozitivu iha Munisipiu Dili husi loron 7 Marsu 2021, to’o ohin 29 Marsu 2021 hamutuk 350.
Nune’e dadus ba loron 29 Marsu nian kazu foun 21, kazu rekuperadu nain 1 no total kazu ativu hamutuk 342, hosi kazu foun nain 21 ohin, iha mane nain 13, feto nain 8, sintomatiku nain 5 no asintomaktiku nain 16.
Husi horiseik mai ohin hamutuk 565 mak halo testes PCR, inklui ona iha laran 241 ne’ebé mai husi pedidu autorizasaun esepsionál atu sai husi serka sanitária iha Munisipiu Dili.
