Home Notisia Brigadeiru Jeneral Aluc Hasoru Xanana Iha Vera Cruz, Maibe Sedauk Iha Solusaun

Brigadeiru Jeneral Aluc Hasoru Xanana Iha Vera Cruz, Maibe Sedauk Iha Solusaun

1395
0
Brigadeiru Jenerál, João Miranda "Aluc" hasoru malu ho Xanana iha Vera Cruz. [Foto: David da Costa | 12.04.2021]

Reportazen David da Costa Gusmao*

Brigadeiru Jeneral João Miranda “Aluk” lori karta hosi sala de situasaun Centro Integradu Jestaun Krize (CIJK), hodi bahasoru familia matebian no lider nasional Xanana Gusmão, atu fo autorizasaun hodi lori matebian Armindo Borges ba hakoi iha Metinaro, maibe  familia ho Xanana Gusmao la hatan, tanba matebian mate laos tanba COVID-19, maibe moras kabun bubu no stroke.

Segundu Komadante Operasaun Centru Integradu Jestaun Krize (CIJK), Brigadeiru Jenerál, João Miranda “Aluc” iha isolamentu Vera Cruz Kaikoli tenta atu halo esplikasaun ba familia matebian no Xanana Gusmao

“Ohin ami enkontru ona katak ami sei foti matebian ne’e ba hakoi iha Metinaro, ida ne’e mak ohin dezisaun ikus husi ekipa saude nian”, dehan aluc, 12/04.

Hosi esplikasaun refere, lider nasional Xanana Gusmao hatan katak sei la autoriza parte saude, atu foti mate isin hodi ba hakoi iha Metinaro, tanba matebian mate tanba kabun Bubu no stroke. Sei la lori ba  ospital karik ohin mate isin ne’e, la dehan mate tanba COVID-19.

“Imi atu mai foti mate isin ne’e imi tiru hau mate uluk lai, mak bele foti mate isin ne’e, hodi ba hakoi iha Metinaru,” nia dehan

Nia hatutan, nia prontu tur hein mate isin ne’e to fulan ida iha Vera Cruz mós nia sei la fo autorizasaun ba parte saúde, atu foti sai matebian ne’e nia isin mate.

“Hau tu’ur hodi hein mate isin iha ne’e to fulan 1 mós hau prontu, mate isin mak la entrega ba familia hau sei hein iha ne’e to mate ne’e dodok to’o dois mós diak, maibe hau sei la fo ba imi atu hodi ba hakoi iha Metinaro,” nia informa

Tuir observasaun jornalista Neon Metin katak dadaun ne’e mate isin sei iha hela sala isolamentu, familia ho Xanana Gusmao ne’e kontinua hein matebian nia isin mate iha sala isolamentu Vera Cruz ho kaisaun no hetan seguransa masimu husi Polisia Nasinál Timor-Leste (PNTL)  iha sala isolamentu Vera Cruz.

*(David da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here