Home Memoria Labarik Hamutuk 16 Lakon Iha Tempu Funu, Sei Fila Mai TL

Labarik Hamutuk 16 Lakon Iha Tempu Funu, Sei Fila Mai TL

946
0
Direitor Ezekutivu ho Diretor Jeral MSSI asina nota de etendimentu konaba rekomendasaun Chega!. [Foto: Copyright Media CNC | 09.11.2019]

Reportazen Francisco JDA

Funu ne’ebe akontese iha tempu pasadu, ne’ebe halo povu moris iha terus nia laran, hamosu konsekuensia boot tanba povu Timor barak maka lakon nia família, balun tropas Indonesia lori labarik sira ba iha Indonesia.

Relasiona ho funu ne’ebe akontese ona, liu hosi Centro Nasional Chega! [CNC] Servisu hamutuk ho Ministeriu Solidariedade Sosial no Inkluzaun [MSSI], halo nota de etendimentu konaba rekomendasaun Chega!, hodi kontinua fo apoio ba vitima pasadu sira hanesan inan faluk, labarik ne’ebe lakon tanba hetan kauza hosi funu naruk nia laran.

Direitor Ezekutivu CNC, Hugo Fernandes iha nia intervensaun katak antes nota de entendimentu, serviso ne’e lao antes ona, maske nune’e CNC halo avaliasaun hare katak seidauk hare instituisaun ida ne’ebé registo hela ba labarik lakon sira husi tinan hira ba kotuk, Loron Sexta/08/11/2019

Hugo Fernandes mos informa katak Centro Chega harii iha 2017 tama kedan ba iha apoio ba labarik lakon sira, no mos halo avaliasaun katak, durante ne’e seidauk iha instituisaun ida maka registo hela vitima sira, husi krimi passadu nian nota de entendimentu ne’e, atu halo ba koperasaun,  Centro Chega elabora tiha ona baze de dadus ne’e para depois registo ema nain hira los mak vitima husi pasadu nian, tamba husi baze de dadus ne’e mak sei informa ba MSSI no fo apoio ba los ema ne’ebé presiza liu.

“Dadaun ne’e fahe hela formulario rihun ida ba vitima pasadu sira, no husi formulario ne’e iha filtro katak ema ne’ebé hetan ona apoiu husi Governo, sei la iha direitu atu hetan tan apoiu”, tenik Hugo 8/11.

Iha koperasaun ne’e atu foka liu ba buka labarik lakon sira, ne’ebe tuir agenda iha loron 11 Novembru, ema hamutuk 16, ne’ebe buka hetan ona iha Indonesia, sira sei mai iha Timor-Leste, hodi ba halo vizita iha CNC, MSSI, Ministeriu Negosiu Estranjeiru no Koperasaun, Ministeriu Justisa sei hamutuk ho Embaixada Indonesia sei simu sira iha CNC no MSSI, no sei fo apoio ba sira nune’e sei desloka ba municipio ba hasoru fila fali sira nia inan aman sira.

“Oinsa mak atu tulun vitima sira, ne’ebé mak vulneravel liu ne’e iha kondisaun saude mental nian, vitima sira kontinua trauma hetan violasaun oin-oin iha tempo pasadu ou asiste direitamente ho kondisaun trauma hela sira bele hetan tulun ida ne’e MSSI”, hateten Hugo

Iha fatin hanesan Direitor jeral MSSI, Rui Manuel dehan MSSI servisu hamutuk ho Chega kleur ona, maibe nafatin fo konsiderasaun ba Chega hamutuk 40 rekomendasaun no sei hare katak ida ne’ebé prioridade hafoin bele tulun

“Ohin Ita selebra akordo ho CNC para iha futuru iha koperasaun ne’ebé diak liu tan para sira hare kona ba vitima sobreviventes sira ne’ebé hetan torturasaun husi invazor sira ne’ebé tama mai ita nia rain halo asneiras to ita hetan vitima barak” dehan Rui

Nia aumenta tan seidauk bele temi montante orsamentu hira mak atu apoio, maibe iha planu konsidera konforme proposta ne’ebé CNC hatoo ba MSSI no apoio ida ne’e laos permanente maibe apoio imediatu deit.

Editor Zevonia Vieira 

LEAVE A REPLY

Please enter your comment!
Please enter your name here