Home Notisia Eleitu Ba KI Liu hosi Konferensia AJTL, Virgilio: Laiha Ona Beban Politika...

Eleitu Ba KI Liu hosi Konferensia AJTL, Virgilio: Laiha Ona Beban Politika Koalia Konaba Liberdade

654
0
Virgilio Guterres iha konferensia AJTL. [Foto: Santina Lucia da Costa | 05.07.2020]

Reportazen Francisco JDA

Asosiasaun Jornalista Timor Leste (AJTL) realiza konferensia hodi hili reprezentante jornalista  ka membru AJTL nian bá iha Konselho Imprensa (KI) ba periodu  2020-2024.

Liu hosi konferensia ne’e Prezidente Sesante KI, Virgilio da Silva Guterres re-eleitu nu’udar reprezentante AJTL ba Iha KI ho votus validu hamutuk 221 no kandidatu Rita Almeida ho votus 24.

Iha Diskursu Presidente KI sesante, Virgilio da Silva Guterres hateten votu importante ne’ebé Laureadu Nobel da Paz fo ba AJTL importante tebes, atu hare liu ba esforsu ne’ebé sei halo ba oin, atu defende prinsipiu importante demokrasia no valores democrasia ne’ebé konsagra ona iha Konstituisaun Repúblika Demokrátika Timor Leste (KRDTL), liu-liu liberdade imprensa no espresaun.

“Luta ba liberdade imprensa iha Timor, la’ós de’it kompromisu demokrasia nian, maibe mós ita nia responsabilidade ba ho istoria luta nian, tanba imprensa ou Jornalismu sai kedas parte integradu ba luta ne’e, desde uluk kedas molok Indonesia invade no iha tempu koloniál  kedas Jurnalismu sai instrumentu de sosializasaun ba iha ba ideia nasionalista sira, ne’ebé hahú ho ita nia maun boot sira, Maun Xanana, Maun Ramos Horta sira nia idea komesa fo  sai liu husi imprensa no depois de invasaun jornalista nain 5 mate iha Balibo”, hateten Virgilio iha Delta Nova, 05/07

Virgilio hateten ba periodu ida ne’e, nia reprezenta ka hetan nomeasaun hosi AJTL, ho nune’e ba Virgilio sente laiha ona naha todan politika nian, atu koalia no sei lori prinsipiu nao intervensaun ba politik editorial, hodi kontra hahalok ne’ebe fo presaun ba Liberdade, “Hau laiha ona beban politika atu koalia konaba Liberdade imprensa no espresaun iha Timor-Leste”.

“Liberdade ida ne’e mak ha’u sei lori ba Konselho Imprensa hamutuk ho kolega nain 4, hosi instituisaun seluk, mai atu defende prinsipiu ne’ebé hakerek ona iha Konstituisaun”, Tenik Presidente KI sesante Virgilio da Silva Guterres iha Salaun Delta Nova,04/07

Virgilio da Silva Guterres mós hato’o ba polítiku sira, atu konkista povu nia fuan, labele hanoin atu konkista votu de’it.

Iha period tinan 4 liuba Virgilio Guterres hetan nomeasaun hosi bankada CNRT iha Parlamentu Nasonal no sai Prezidente Konselho Imprensa. Iha periodu tinan ida ne’e Virgilio Guterres nomeadu hosi AJTL, hodi reprezenta jornalista sira ba iha Konselho Imprensa.

Iha konferensia ne’e membru AJTL nain 2 mak kandidat an mak hanesan Virgilio Guterres no Rita Almeida. Kongresista ne’ebe tuir eleisaun hamutuk 256 kompostu hosi fundador AJTL sira, membru honorariu sira, jornalista, akademista, ativista direitus humanus, photographer, freelance, estudante komunikasaun sosial, artista poeta no jornalista hosi komunidade sira.

Konferensia ne’e rasik partisipa hosi Ministru Asunto Parlmentares no Komunikasaun Sosial no Laureadu Nobel da Paz no membru honorariu AJTL, Dr. Jose Ramos Horta.

LEAVE A REPLY

Please enter your comment!
Please enter your name here