Home Notisia Apoiu Material Emerjensia Total Tonelada 27 Hosi Australia To’o Ona Timor

Apoiu Material Emerjensia Total Tonelada 27 Hosi Australia To’o Ona Timor

175
0
governu Australia apoiu material emerjensia ba governu TL iha aero porto. [Foto: David da Costa | 14.04.2021]

Reportazen David da Costa Gusmao*

Aviaun Boeing Royal Australian Air Force C-17 Globemaster, mais ou menus oras tuku 14:30 otl,  to’o iha aero portu internasinal Nicolao Lobato, hodi tula material asistensia emerjensia hamutuk tonelada 27 resin apoiu husi Australia, inklui material preparasaun hahan, material tenda no mos sasan ijieniku nian.

Embaixador Australia iha Timor-Leste, Peter Roberts hateten ohin loron material asistensia emerjensia hamutuk tonelada 27 resin, inkliu material preparasaun hahan, material tenda no mos ijieniku nian to’o ona iha Dili ho aviaun Boeing Royal Australian Air Force C-17 Globenmaster. Material hirak ne’ebe hola parte husi Australia nia pakote asistensia emerjensia ho montante AUD$ 7 millaun ba Timor-Leste depois de inundasaun iha tempu paskua foin dadauk ne’e.

“Ekipa asistensia mediku Australianu nian rua (AUSMAT) mos halo viajen tuir aviaun ida ne’e.  Epidomiolojista senior no ofisial asistensia saede nian rua, ne’e sei serbisu hamutuk Ministeriu Saude nia ekipa vijilansia ne’ebe mak daudaun ne’e jere responde ba COVID-19”, esplika Peter Roberts ba jornalista sira iha aero portu Inernasional Nicolau Lobato Comoro Dili, 14/04.

Nia hatutan material asistensia emerjensia nian sei distribui liu hosi Australia nia parseria Umanitria nia ONG sira.

“Ekipamentu Protesaun Pesoal (PPE) sei aumenta ba governu nia stock ne’ebe mak hetan estragus depois de inundasaun, ne’e hanesan kontinuasaun ba PPE kilograma 500 husi Australia iha semana kotuk,” dehan nia

Enkuantu, Material asistensia emerjensia hirak ne’e aumenta ba Australia nia apoia imidiatamentu ne’ebe fornese ona ema barak iha centro evakuasaun sira.

“Australia orgullu tebes hala’o serbisu hamutuk ho governu Timor-Leste, hodi apoia Timor-Leste nia esforsu hodi responde ba COVID-19 no rekuperasaun ba inundasaun,” nia expresa.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here