Home Saude Membru PN no Funsionarios Simu Vasina AstraZeneca, Simu Ona Vasina Iha TL...

Membru PN no Funsionarios Simu Vasina AstraZeneca, Simu Ona Vasina Iha TL Total 8832

261
0
Simu vasina COVID-19 iha PN. [Foto: Franciso JDA | 19.04.2021]

Reportazen Francisco JDA

Ohin membru Parlamentu Nasional (PN) no fungsionario sira simu ona vasina COVID-19 AstraZeneca. Koordenador Responsavel Vasina iha PN, Dra.Dulce Tilman hateten katak hahú hosi loron 7 Abríl to’o oras ne’e ema ne’ebé mak simu ona Vasina hamutuk 8832, inklui mós deputadu balun iha inisiu.

Nia dehan vasina ne’e ninia efeitu mak loron ida ka rua sei mosu reasaun hanesan ulun moras, isin manas, kole oituan maibé hemu parcetamol bele rekupera fali.

“Reasaun ne’e la’ós ema hotu mak iha, maibé depende ba ema ida-idak nia imunidade, tan iha balun la hatudu reasaun, so iha sona fatin mak moras tanba ne’e lalika tauk, maibé vasina ne’e sei mai to’o faze datoluk, fin de Dezembro nune’e,  primeira faze ne’e mak sei fo ba frontline, nune’e fulan Junhu mai sei fo prioridade ba ema tinan 60 ba leten, ne’ebé ho moras hanesan tensaun, diabetes no hepatitis, sira ne’e tama iha moras krónika, sira ne’e iha prioridade atu hetan vasina iha fulan Junhu, tanba limitasaun vasina no faze terceiro sei fo ema idade 18 to’o 59, maibé sira ne’ebé ho moras krónika, tanba sira ne’e mak imunidade tun ona tenki haforsa ho vasina,” hateten Koordenador Responsavel Vasina iha PN no nudar Diretora Centro Saúde Formoza Dra. Dulce Tilman iha PN, 19/04

Dra. Dulce Tilman realsa tan, se ema iha moras krónika, mak bainhira virus COVID-19 mai sira ne’e mak  sei todan liu,  entaun  presiza vasina, atu haforsa fali imunidade mesmu limitasaun ne’ebé iha mak governu sei tau faze ba faze, maibé sira ne’ebé mak labele masina mak inan isin rua, inan fo Susu no labarik tinan 18 mai kraik

Print Friendly, PDF & Email

LEAVE A REPLY

Please enter your comment!
Please enter your name here