Ohin Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 23/2021, 28 Abril nomea Deolindo dos Santos nu’udar Prezidente Tribunal Rekursu.
Nomeasaun ne’e tuir artigu 86,j, artigu 124, númeru 3 no artigu 164, númeru 2 husi Konstituisaun Repúblika, no artigu 29, númeru 1, artigu 110, númeru 1 no 4 husi Lei númeru 8/2002, 20 Setembru, altera husi Lei númeru 11/2004, 29 Dezembru.
Deolindo dos Santos sei efetivu halao ninia knar ba daruak nian nu’udar Prezidente Tribunal Rekursu hahú husi 29 abril 2021. Serimónia tomada de posse ba Prezidente Tribunal Rekursu sei hala’o aban, 29 abril, tuku 10.30, iha Palásiu Prezidensiál Nicolau Lobato.
Deolindo nudar militante RENETIL ida mak halo hotu nia eskola iha Fakuldade de Direitu iha Universitas Patimura, Ambon, Indonesia. Nia hahu kedas nia kareira iha servisus tribunal nian desde tinan 2000. Nia sai Presidente Tribunal Rekursu dahuluk iha 2017 no kontinua hetan nomeasaun ba daruak ohin, 28 Abril 2021.
