Reportazen David da Costa Gusmao
Koordenador Jeral covid-19, Dra. Odete da Silva Viegas informa ba jornalista sira katak vasina AstraZeneca dozes rihun 20 ne’ebe oferese husi Governu Australia, sei kobre deit ba komunidade sira iha kapital Díli tanba numeru kazu pozitivu maioria husi munispiu Dili, no sei fo prioridade ba sira moras kroniku hanesan Diabetes, moras kurasaun no tensaun.
Nia hateten dalan uniku atu hapara transmisaun COVID-19 ba ema seluk mak sidadaun sira tenki simu vasina.
“Agora dadaun ita bo’ot sira hare vasina to’o Timor ona no meuis ida atu hapara transmisaun covid ba ema seluk mak meus ida hotu tenki vasina no hanesan ita hotu hare, vasina ne’ebe foin to’o horseik husi Australia sei konsentra hotu iha Díli,” Dra. Odete da Silva ba jornalista sira iha Novo Turismu Lecidere, 06/04.
Nai haktuir, vasina 20 mill dozes ne’e sei kobre iha Dili, tanba ne’e sei fo biban liu ba sidadaun sira ne’ebe idade 18 ba leten ne’ebe sofre hela moras hanesan tensaun no atakasaun kurasaun.
Nune’e mos sei nafatin fo biban ba ekipa liña frente sira ne’ebe seidauk simu vasina, sira bele mos hetan vasina refere husi 20 mill dozes ne’e.
Koordenador Jeral Covud-19, ne’e mos husu ba komunidade sira, ne’ebe sente moras kroniku hanesan diabetes, HIV, TBC no siadadun ne’ebe idade 60 ba leten atu bele hakbesik an ba iha centro saude sira hodi bele hetan vasina.
