Reportajen Filomena da Conceicao
Asosiasaun Jornalista Timor Lorosa’e (AJTL) organiza media awar 2025 ho tema promove deversifikasaun ekonomia.
Prezidente Asosiasaun Jornalista Timor-Leste (AJTL), Zevonia Vieira hateten selebrasaun media Award ba tinan 2025 realiza tanba, AJTL servisu hamutuk ho Oxfam iha Timor-Leste hodi fo apresiasaun ba jornalista sira ne’ebe iha vontade hodi hakerek istoria sira no Promove diversifikasaun ekonomia iha TL.
“Ohin loron ita selebra media Award primeira vez ne’ebe servisu hamutuk ho OXFAM liga ho promove diversifikassaun economia iha Timor-Leste, ida neebe parte projetu hafoun nian neebe Mak AJTL kolabora hamutuk oinsa atu enkoraja jornalista sira hodi produz istoria sira neebe maka liga ho sustentabilidade ekonomia iha TL”, dehan Zevonia ba jornalista, iha Edifisiu Oxfam Hudi laran, sesta, 14/11
Nia haktuir , Objetivu husi media Award nee atu fo, apresiasaun ba jornalista sira ne’ebe maka iha konsiensia no abilidade hodi fo espasu atu hakerek ba asuntu ekonomia, tanba dalabarak jornalista balun depende deit ba komunikadu imprensa hodi haree liu ba ema boot sira nia komprensaun, maibe dalabarak ita mos haluha jona-ba ema sira iha kraik hodi hasae sira nia lian kona-ba sa mak sira kontribui sein depende ba estadu ka governu.
“Hanesan esforsu ida husu AJTL hodi enkoraja jornalista tau importasia ba diversifikasaun ekonomia iha TL ho nune’e, iha tinan hira nia laran jornalista sira komesa hakerek artigu produz istoria iha Televizaun iha media online, jornal no mos radio atu hakerek Kona-ba susesu husi istoria sira neebe mak joven Sira halo iha area rural maibe laiha espasu ba media hodi koalia saida mak, sira kontribui ona ba estadu Timor no oinsa Sira inspira joven sira.”, Nia esplika.
Nune’e, jornalista sira iha konsiensia rasik hodi hakerek sira nia istoria hodi fo mos influensia ba governu atu bele tau importasia ba asuntu sektor produtivu sira hanesan agricultura turizmu no ambiental.
“AJLT hakarak lansa premiu tinan ne ba jornalista sira, atu bele kompete iha media Online, jornal ka audiovisual, no iha kategori 3 maka AJTL loke iha ne’e, maibe iha ne’e jornal la kompete ho nune’e ita iha kategori 2 deit”, Nia haktuir
AJTL, fo apresia ba ami nia parseiru sira hanesan, Tilofe, Eamo, FJDI, MDI, ne’ebe halo ona sira nia susesu istoria ba Sira oinsa Sira sai hanesan impirador ba joven sira seluk”, Nia apresiasia.
Nia esplika, laos tanba media world mak imi kompete maibe imi nia papel mak sai hanesan lian ba publiku atu, hatoo ba estadu oinsa estadu bele prioritiza sektor importante sira iha Timor-Leste, ho Ida ne’e mak AJLT hakarak fo apresiasaun husi media award ne’ebe maka hetan apoiu fundus husi Oxfam iha Timor-Leste, liuhusi governu Australia.
“Imi Nia istoria sira ne’e sai importasia ba ami nia lee nain no haree nain sira katak, asuntu economia, asuntu joven, feto, ema ho difisiensia sai parte husi sosiedade hodi Ita hato’o sira nia lian”, dehan Zevonia
AJTL servisu ba advokasia, no apoia jornalista sira atu servisu hamutuk hodi halo advokasia ,no la ses husi prinsipiu ba liberdade imprensa no expresaun iha TL.
“Ha’u Orgullu tanba nomeadu hatudu imi nia skill, oinsa foti angulu sira ne’ebe importante ba suntu produktivu sira, balun istoria kona-ba asuntu produtivu sira balun, istoria kona-ba amibental no oinsa jornalista sira bele tau asuntu ba amibental iha Timor no promove joven sira kona-ba setor produtivu neebe sira halo no promove feto Nnia partisipasaun hodi dezenvolve ekonomia iha area rural, ida ne’e hanesan istori furak sira ne’ebe Ita presiza fo sai”, hateten Zevonia.
Iha Fatin hanesan Reprezentante embaxada Australia iha Timor-Leste hatete, estadu Austrália fó valor ba papel Jornalista no organizasaun media Timor-Leste hodi fó diskursus públiku no hametin instituisaun demokrátika sira .
“ha’u nia apresiasaun espisial ba prémiu sira ohin loron nian relatoriu kona-ba diversifikasaun ekonomia asuntu importante tebes iha nivel Nasional Timor-Leste nian, dezenvolvimentu ba longu prazu depende ba kliente ekonomia ne’ebé rejilente no inklusivu no Jornalista sira”, nia hateten.
Nia esplika, Média ida ne’ebé livre no independente importante tebes ba demokrasia ida ne’e fó informasaun ba sidadaun sira promove esperiénsia plataforma ba lian oioin.
“Iha papel importante mundasa husi relatoriu ita ajuda komunidade sira atu komprende oportunidade no dezafiu sira iha diversifika saun ekonomia ita destaka Istória susesu lokál sira fó atensaun ba polítika no lian ba sira ne’ebé halo esforsu atu harii futuru ida ne’ebé sustentavel liu”, Nia hakotuEntretantu manan nain, ba selebrasaun media Award 2025 kategoria Media online diak liu mak jornalista husi Neon Metin, David da Costa Gusmao no manan nain ba kategoria audio visual ka Televisaun mak Constansio Vieira no Manuel Gusmao husi Ra
