Reportazen Zevonia Vieira
Ministeriu Saude (MS) deteta tan kazu konfirmadu foun COVID-19 iha loron 11 Maiu hamutuk 140. Liu hosi komunikadu imprensa, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo relata ba jornalisa sira katak dadus jeral ohin loron nian hatudu katak kazu detetadu foun hamutuk 140 (iha Dili 130, municipio sira seluk nain 10).
Husi total kazu detetadu foun ohin mane 78 no feto 62, husi total kazu detetadu foun ohin, hirak ho idade tinan 60 nain 3. Husi total kazu detetadu foun ohin, proporsaun kazu sintomátiku hamutuk 15,7%.
Total kazu konfirmadu kumulativu sura hosi 21 Marsu 2020 to’o ohin loron iha nain 3493. Kazu rekuperadu nain 1. Total kazu ativu hamutuk nain 1723, husi horiseik mai ohin loron ema hamutuk 1214 mak halo teste PCR. Kumulativu kazu konfirmadu iha Dili sura hoi tinan 2020 to’o ohin loron total 2941.
Evolusaun surtu COVID-19 iha Dili, municipio sira seluk no RAEOA, hatudu katak konvensionalmente insidensia sukat total kazu foun, kada loron, pur 100 mil habitantes, no hatudu risku ne’ebé populasaun iha atu hetan da’et moras ida.
Gráfiku hosi CIJK hatudu katak média (rata-rata) ohin husi insidénsia COVID-19 iha Timor-Leste durante loron 7 ikus maka 9,1 /100 mil abitantes, enkuantu ba deit Munisipiu Dili 30,1/100 mil abitantes. Grafik ne’e hatudu katak Munisipiu Dili maka fatin ho risku bo’ot liu, atu populasaun hetan da’et no hada’et tutan virus SARS-CoV-2.
