Home Notisia Komunidade Aldeia 01 no 03 Kaikoli Simu Apoiu Emerjensia Hosi Protesaun Sivil

Komunidade Aldeia 01 no 03 Kaikoli Simu Apoiu Emerjensia Hosi Protesaun Sivil

643
0
Komunidade aldeia 01 no 03 iha Kaikoli. [Foto: Joanina | 15.05.2021]

Reportajen Joanina Casemiro

Ohin komunidade afetadu iha Aldeia 01 no Aldeia 03 suku Kaikoli Posto Adiministrativu Vera Cruz,Municipiu Dili hetan ona apoiu emerjensia, tanba hetan impaktu hosi inudasaun.

Tuir komunidade afetadu Madalena Soares katak apoiu ne’ebé fo husi Protesaun Sivil maske la barak maibe sira bele ajuda netik nesesidade uma laran.

“Hanesan komunidade apoiu ne’ebé mak ami hetan husi parte ONG ka Governu atu iituan ka barak ami tenke simu, hodi sustenta netik ami nia moris tanba agora ita mos iha hela serka sanitaria nia laran, entaun apoiu ne’ebé mak ami hetan ona ami tenke simu de’it ona”, dehan Madalena ba Neon Metin 15/05.

Iha fatin hanesan Koodernador Servisu Jestaun Risku Dezastre Municipiu Dili, Helio de Sousa Soares Pacheco hateten katak ohin loron sira fo apoiu emergensia ba komunidade afetadu hosi dezatre naturais ne’ebé akontese iha loron 4 Abril.

“Ohin loron apoiu uluk ba aldeia rua mak hanesan Aldeia 01 hamutuk 259 ficha de familia, Aldeia 03 hamutuk 143 ficha de familia no ohin ami apoiu hotu ona.  Husi aldeia 01 total komunidade husi 259, sei iha nain 39 mak seidauk simu apoiu. Aldeia 03 ne’ebe seidauk simu apoiu mak nain 38”, dehan Helio de Sousa.

Helio haktuir tan katak dadus ne’ebé mak hetan bazeia ba orientasaun husi Protesaun Sivil ho STAE, dadus ne’e prepara husi suku, depois aprezenta ba protesaun sivil no kontinua verifika.

Tuir Xefe Suku Kaikoli, Hipolitu Marques katak apoiu emerjensia iha suku Kaikoli foin premeira komunidade sira hetan.

“Durante inudasaun governu seidauk lori apoiu ruma mai, ne’e duni ohin loron sira lori uluk  de’it mak aldeia rua, sei iha aldeia tolu mak seidauk, tanba iha suku Kaikoli iha aldeia hamutuk lima. Apoiu hosi ONG simu ona maibe hosi governu mak foin agora ne’e”, dehan Xefe Suku

Nia dehan Protesaun Sivil lori fos hamutuk 442 saka ba ldeia rua, ai-han instant, ikan lata, susuben ba labarik no nesesidade baziku sira seluk.

Print Friendly, PDF & Email

LEAVE A REPLY

Please enter your comment!
Please enter your name here