Home Saude 21 Agostu, MS Deteta Ema nain 4 Mate Ho COVID, Total Kazu...

21 Agostu, MS Deteta Ema nain 4 Mate Ho COVID, Total Kazu Mate Sae Ba 46

746
0
ekipa saude lori sai mate isin hosi Lahane atu ba Metinaru. [Foto: David da Costa | 06.04.2021]

Reportajen Zevonia Vieira

Ohin Ministeriu Saude (MS) rejista tan kazu obitu ka ema mate ho COVID-19 hamutuk nain 4. Liuhusi komunikadu imprensa, Koordenador Forsa-Tarefa ba Prevensaun no Mitigasaun Surtu COVID-19, Dr. Rui Araujo relata ba jornalista sira katak ohin loron 21 Agostu kazu obitu iha nain 4.

Ba kazu obitu ho detalle katak feto, idade tinan 73 timoroan, hela iha Dili, iha 20 Agostu 2021, diagnóstikadu ho sindroma insufisiénsia respiratória aguda (SIRA), tanbá COVID-19 (PCR pozitivu ho CT 36,5). Matebian sofre mós hipertensaun. Iha fatin isolamentu Lahane, hala’o tratamentu tuir protokolu ne’ebé iha, maibé matebian i’is-kotu horikalan oras 22:00 tan bá falénsia orgaun lubuk-ida (multiple organ failure). Resultadu PCR hafoin i’is-kutu hatudu CT 34,9.

Iha mos Mane idade tinan 74, timoroan, hela iha Dili, iha 20 Agostu de 2021, diagnóstikadu ho sindroma insufisiénsia respiratória aguda (SIRA), tanbá COVID-19 (PCR pozitivu ho CT 24,3). Matebian sofre mós hipertensaun. Iha fatin isolamentu Vera Cruz, hala’o tratamentu tuir protokolu ne’ebé iha, maibé matebian i’is-kotu horikalan 22H45 tan bá falénsia orgaun lubuk-ida (multiple organ failure). Resultadu PCR hafoin i’is-kutu hatudu CT 14,9.

Feto idade tinan 36 timoroan, hela iha Dili, iha 11 Agostu de 2021, diagnóstikadu iha HNGV ho sindroma insufisiénsia respiratória aguda (SIRA) tanbá COVID-19 (PCR pozitivu ho CT 28,0). Matebian sofre mós diabete. Iha fatin isolamentu Vera Cruz, hala’o tratamentu tuir protokolu ne’ebé iha, maibé matebian i’is-kotu ohin dader 03:00 tan bá falénsia orgaun lubuk-ida (multiple organ failure). Rezultadu PCR hafoin i’is-kutu hatudu CT 11,7.

Mane idade tinan 46, timoroan, hela iha Dili, iha 21 Agostu de 2021, diagnóstikadu iha emerjénsia HNGV ho pneumonia tan bá COVID-19 (PCR pozitivu ho CT 19,8). Enkuantu sei hala’o tratamentu inisiál iha Emerjénsia. HNGV tuir protokolu ne’ebé iha, matebian i’is-kotu, maizoumenus 11:45 dader, tan bá emobolia pulmonar. Rezultadu PCR hafoin i’is-kutu hatudu CT 16,8.

Entretantu dadus jerál hatudu katak kazu konfirmandu COVID-19 hamutk 281 (iha Dili 212, Covalima nain 19, Manatuto iha 16, Baucau nain 15, Manufahi nain 13 no municipiu seluk nain 6). Kazu rekuperadu nain 71, total kazu ativu ohin iha nain 3.088, total kazu konfirmadu kumulativu sura husi 21 Marsu 2020 to’o ohin loeon hamutuk 13.981 no total kazu obitu to’o ohin loron hamutuk 46.

Print Friendly, PDF & Email

LEAVE A REPLY

Please enter your comment!
Please enter your name here