Home EduTek UN Women Ho SEPS Fasilita Formasaun Prevensaun no Rezolusaun Konflitu Sensivel ba...

UN Women Ho SEPS Fasilita Formasaun Prevensaun no Rezolusaun Konflitu Sensivel ba Jéneru

435
0
SEPS ho UN Women ih abertura formasaun. [Foto: Santina | 22.09.2021]

Reportajen Santina Lucia da Costa

Sekretáriu Estadu Protesaun Sivil (SEPS), Joaquim Jose Gusmão dos Reis halo abertura treinamentu ba Treinadór Diresaun Nasional Prevensaun Konflitu Komunitariu (DNPKK) kona-ba “Prevensaun no Rezolusaun Konflitu Sensivél ba Jeneru” iha salaun Delta Nova.

Iha abertura ne’e Sekretariu Estadu Joaquim Jose Gusmão dos Reis hateten SEPS liuhusi Diresaun Nasional Prevensaun Konflitus Komunitarisu (DNPKK), no Suporta husi UN Women, hala’o tan formasaun ba iha ita nia mediadores sira ida ne’ebé mak ita hili, sira ne’ebé mak ita haree katak iha kapasidade ne’ebé mak di’ak, iha koñesimentu hodi bele hetan tan fali formasaun ba training of trainer (ToT)

Joaquim dehan formasaun ne’e espesífiku liu ba iha mediasaun ne’ebé mak sensivel ba jéneru, ida ne’e mai hanesan ita nia atividade boot ne’e, parte ida mós prepara hela Planu Asaun Nasional tinan 2025 nian hodi bele implementa tan ba tinan haat.

Iha fatin hanesan Reprezentante UN Women, Leonisia Tecla da Silva hateten liuhusi akordu ne’ebé UN WOMEN ho Ministériu Interior, liuhusi SEPS fó apoiu ba DNPKK foku ba Planu Asaun Nasional 1325, liuliu komitmentu governu nian no instituisionaliza matadalan mediasaun sensivél ba jeneru.

Leonisia Tecla da Silva hateten formasaun ida ne’e hakarak atu aumenta tan sira nia kapasidade liuliu ba iha mediasaun sensivel ba jeneru. Mediasaun sensivel ba jeneru ita hanoin katak,  hakarak atu envolve ema hotu liuliu feto no grupu sira ne’ebe vulneravel, atu partisipa iha prosesu mediasaun sira nune’e mos prosesu harii dame sira.

Nia afirma materia sira ne’e sei foku liuliu ba iha mediasaun sensivel ba jeneru,  no mos fahe dekretu lei  47/2020 liuliu papel feto mediador sira nian iha nivel komunidade nian ne’ebe mak aprova ona husi Primeiru Ministru, Taur Matan Ruak.

“Ita haree katak persentajen aas liu 46%  feto mediador nian iha Ministeriu Interior, SEPS no ida ne’ebe ita senti katak partisipasaun feto boot liu kompara ho Ministeriu sira seluk.” Tenik Leonisia Tecla da Silva.

Iha fatin hanesan partisipante Julião Fernandes dehan katak formasaun ba ToT ne’e oinsa maka ami bele iha kapasidade, bele fahe fila-fali ami nia matadalan mediasaun jeneru ne’e ba liñas Ministrius sira no mós instituisaun ne’ebé responsabilidade ba iha mediasaun.

“Ami sei fahe tutan formasaun ne’e ba iha autóridade lokál sira, polisia komunitaria, no instituisaun governu ne’ebé hola parte mós ba iha harii paz sai responsabilidade ba mediasaun inklui mós ba sosiedade sivil. Hafoin formasaun ami sei halo planu pois iha fulan Outobru ami sei tun hodi fahe tutan saida mak ami hetan ona ne’e.” hateten Julião Fernandes.

Nia hatutan ita hatene katak buat konflitu ne’e natural sempre akontese iha kualker fatin, mezmu iha konfitu ne’e redusaun tanba ita nia prejensa hanesan mediadór kontinua iha komunidade entaun husi ida ne’e rasik bele reduz konflitu.

Materia hirak ne’ebe aprezenta ba partisipante sira foka liu ba kazu konflitu, analiza konflitu o diskusaun fahe esperiénsia.

Formandu hamutuk nain 12 mak partisipasaun iha formasaun referee no hetan apoiu finanseiru $60 mill husi UN Women.

Print Friendly, PDF & Email

LEAVE A REPLY

Please enter your comment!
Please enter your name here