Home Saude 22 Setembru, MS Regista Pasiente Covid-19 nain 10 Grave, Mate 1, Total...

22 Setembru, MS Regista Pasiente Covid-19 nain 10 Grave, Mate 1, Total Obitu Sae Ba 108

275
0
Ilustrasaun virus Corona. [Foto: Copyright google | 07.03.2020]

Reportajen David da Costa Gusmao

Ministeriu Saude (MS) liu husi Sala Situasaun Centru Integradu Jestaun Krize (SS-CIJK) ohin rejista  pasiente Covid-19 nain 10 grave no nain ida mate ho Covid-19, nune’e total óbitu sae ba 108.

Liu husi komunikadu imprensa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo, hateten ohin  22 Setembru iha izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain 54           

“Husi kazu detetadu posetivu nain 54 ne’e, ema nain 10 Grave(nain 2 uza ventilador, 8 uza oksijéniu), Moderado hamutuk 26 pessoas no leve hamutuk 18 pessoas,” Dr. Rui  dehan liu hosi komunikadu imprensa ne’ebe neon metin asesu iha loron, Kuarta 22/09.

Alende ne’e mos, ohin mos iha óbitu nain ida, nune total óbitu sae ona ba 108. Ba kazu obitu ohin ne’e mane idade tinan 85 hela iha Viqueque, seidauk vasina, iha 20 Setembru2021, diagnóstikadu iha Viqueque ho sindroma insufisiénsia respiratória aguda (SIRA) tanbá Covid-19. Horikalan matebian iis-kotu 20h44 iha Viqueque.          

Nia dehan ohin familia matebian kolabora ho ekipa saúde, hodi hala;o funeral tuir protokolu ne’ebé adopta iha Timor-Leste.

Husi horisehik mai ohin loron  22 Setembru  tinan ne’e,  Laboratóriu Nasionál Saúde  halo  testes  Polymerase Chain Reaction  (PCR) hamutuk ema nain 284 iha Dili no  horseik iha munisipiu  sira seluk, REAOA  ho HNGV halo teste PCR ba ema hamutuk ema na’in 329.

Entertantu dadus jeral ba ohin loron nian, kazu foun Covid-19 hamutuk 81, kazu rekuperadu hamutuk ema nain 125, kazu ne’ebe  ativu ohin hamutuk 1,274,  ohin mos iha kazu óbitu nain 1, nune’e total obitu sae ba 108 no total kazu konfirmadu kumulativu sura husi 21 Marsu2020 to’o mai ohin loron  22 Setembru tinan ne’e hamutuk ema nain 19,206.

Print Friendly, PDF & Email

LEAVE A REPLY

Please enter your comment!
Please enter your name here