Home Notisia UN Women-UNTL Lansa Inisiativa Kampus Seguru, Zero Tolerensia Ba Asédiu Sexual no...

UN Women-UNTL Lansa Inisiativa Kampus Seguru, Zero Tolerensia Ba Asédiu Sexual no VBJ

469
0
UNTL ho UN Women lansa inisiativa kampus seguru. [Foto: Francisco | 14.10.2021]

Reportajen Francisco JDA

Universidade Nasionál Timor Leste (UNTL) no UN Women ne’ebé finansia hosi Korea Internasionál  Cooperation Agency ( KOICA) anunsia lansamentu ba grupu traballu tékniku ba períodu tinan haat,  ba inisiativa Kampus Seguru ho objetivu oinsá atu hapara Violénsia hasoru feto no labarik feto, globalmente UN Women serbisu ho parte interesadu oin-oin, atu kria espasu públiku sai seguru espesiálmente foka ba asegura espasu ba aprendizajen ida ne’ebé seguru.

Grupu traballu tékniku sei fornese guia estratéjiku ida ba projetu no mós ajuda UN Women atu identifika no hare ba oportunidade ba hasae kapasidade no promove kualidade edukasaun iha UNTL no mós universidade seluk.

Iha diskursu Reitór Universidade Nasionál Timor Lorosa’e (UNTL) Prof.Dr.Joao Soares Martins hateten kompremetidu atu serbisu hamutuk ativamente halo advokasia ba igualdade jéneru no zero toleránsia no asédiu sexual no forma hotu hosi violénsia ba bazeia ba jéneru (VBJ) iha UNTL.

“Ami halo advokasia ba igualdade jéneru iha UNTL, inisiativa ida ne’e atu hasae konsensia eduka no halo asaun sira ba prevene forma hotu-hotu. Violensia iha ita nia universidade entre dosente sira, funsionáriu administrasaun no estudante sira. Fahe matenek advokasia no hasae koñesimentu iha area ida ne’e sei sai xave, susesu ba inisiativa Kampus Seguru sei demonstra ezemplu ba instituisaun edukasaun superior sira seluk iha Timor Leste,” hatete Reitór UNTL Prof.Dr. Joao Soares Martins iha Hotel Timor Dili, 14/10

Reitor UNTL ne’e subliña universidade mak kritika tebes atu harii espasu no sosiedade equitavel tanba estudu esploratoriu sidade Seguru Timor leste hala’o iha 2018 iha Dili fo sai katak maioria rezpondente sira sente ka Seguru iha espasu públiku iha kapitál

Iha fatin hanesan Xefe Edifísiu UN Women, Nishtha Satyam hatete katak UN Women suporta UNTL hodi implementa bazeia ba sasukat atu haforsa akuntabilidade hanesan estabelese Koordenadór Universitáriu dedikadu ba hare asuntu violensia hasoru labarik feto sira, no atu hatán ba kazu sira bainhira akontese asédiu sexual, nune’e bele halo advokasia no muda atitude no norma ne’ebé iha risku.

Print Friendly, PDF & Email

LEAVE A REPLY

Please enter your comment!
Please enter your name here