Home Notisia PM Taur: Kooperasaun ho Alemanha, Presija Koalia Kona ba Harii Fatin...

PM Taur: Kooperasaun ho Alemanha, Presija Koalia Kona ba Harii Fatin Manutensaun Ro

194
0
Ro Berlin Ramelau (Foto: Facebook Scos Vieira)

Premeiru Ministru Taur Matan Ruak husu atu koalia kooperasaun ho Governo Alemanha kona ba infraestrutura mantensaun ro. Taur mos hatete katak sosa ona ro rua ne’e diak maibe ne’e la justifika osan sira mak haruka ba Indonesia tinan-tinan hodi hadiak Ro.

“Kooperasaun ho Alemanha hahu tinan 10 resin liuba. Iha kooperasaun ne’e mos koalia kona ba infraestrutura, kona ba manutensaun ro. To iha ro 2 ne diak maibe la justifika ita nia osan tinan-tinan haruka ba Indonesia hodi hadiak ro. Forsa armada iha ro 4. Polisia iha ro 2. Kuaze ro 8, konta ho kikoan sira hamutuk ro 10. Tinan-tinan ita haruka ro ba Indonesia, lakon osan, no lakon rekursu no husu governo Alemanha atu konsidera”, Premeiru Ministru Taur hato’o iha nia lamentasaun iha Seremonia Lansamentu Ro Berlin-Ramelau, ohin, 20/12, iha Porto Dili.

Premeiru Ministru mos agradese Governo Alemanha ba kooperasaun mak halao ona hakarak kontinua mantein kooperasaun ne’e ba oin.

“Projetu ida ne halo tan parseria diak ho Alemanha, APORTIL no kompania Damen Olanda. Ida ne segunda projetu. Hakarak lori governo Timor-Leste nia naran agradese governo Alemanha no hakarak kooperasaun ne permanese”, Taur expresa liutan.

Ro Berlin Ramelau kontrui hosi Grupo Fabrika Ro Damen iha Belanda, no Ro ne’e halo halo iha Yichang, Xina. Ro ida ne’e konstrui ho orsamentu liu Milaun 16 Euro, ho kontribuisaun Milaun 6 Euro resin hosi Governo Alemanha no Milaun 10 Euro hosi Governo Timor-Leste. Ro ida ne’e hahu husik ba Tasi iha Maiu 2019.  Konstrusaun Ro ne’e lao tuir tempu ho dezviu orsamentu 3%.

Print Friendly, PDF & Email

LEAVE A REPLY

Please enter your comment!
Please enter your name here