Home Notisia Lansamentu Ro Berlin Ramelau, PM Taur Agradese Governo Alemanha

Lansamentu Ro Berlin Ramelau, PM Taur Agradese Governo Alemanha

266
0
Ro Berlin Ramelau (Foto:Damen.com)

Ro Berlin Ramelau lansa ona ohin, iha Portu Dili. Primeiru Ministru Taur Matan Ruak, agradese governo Alemanha ba projetu kooperasaun hodi konstrui ro ida ne’e.

“Hau hakarak lori governo Timor-Leste nia naran agradese governo Alemanha. No hakarak kooperasaun ne permanese. Projetu ida ne prezenti bot ida ba Oecusse no Atauro en particular, no ba povo Timor-Leste tomak”, Primeiru Ministru Taur hato’o iha nia diskursu lansamentu Ro Berlin Ramelau, ohin iha Porto Dili, 20/12.

Diretur Pais hosi Kooperasaun Internasional Alemanha nian, GIZ, Reiner Schcllhaas apresia kooperasaun mak halao ona entre Governo Timor-Leste ho Governo Alemanha.

“Projetu ida ne’e halo liu hosi kooperasaun ida extraordinariu tebes. Kada obstaklu mak hasoru ami resolve kedas”, Reiner hatete iha nia diskursu.

Ro Berlin Ramelau konstrui hosi Grupo Fabrika Ro Damen iha Belanda, no Ro ne’e halo halo iha Yichang, Xina. Ro ida ne’e konstrui ho orsamentu liu Milaun 16 Euro, ho kontribuisaun Milaun 6 Euro resin hosi Governo Alemanha no Milaun 10 Euro hosi Governo Timor-Leste. Ro ida ne’e hahu husik ba Tasi iha Maiu 2019.  Konstrusaun Ro ne’e lao tuir tempu ho dezviu orsamentu 3%.

Print Friendly, PDF & Email

LEAVE A REPLY

Please enter your comment!
Please enter your name here