Home Notisia Estudu Demográfiku 2016 Hatudu 15% Feto Idade 15-49 Vítima Ba Violénsia Doméstika

Estudu Demográfiku 2016 Hatudu 15% Feto Idade 15-49 Vítima Ba Violénsia Doméstika

820
0
Simblo Kampanna Hapara Violensia Hasoru Feto no Labarik

Reportajen David da Costa Gusmao

Liuhusi estudu demográfiku iha tinan 2016  no estudu projetu nabilan, konaba esperiénsia saúde, hatudu providénsia  alarme husi violénsia  no imunidade ba tratamentu violénsia bazeia ba jéneru iha Timor-Leste, relata katak 13%  husi feto sira  ho idade 15 to’o 49,  sei sofre nafatin ba tipu violénsia doméstika iha sira nia moris, no iha 29% mak hetan ona esperiénsia durante fulan barak, molok peskiza ne’e hahú.

Ministra Saude (MS), Odete Maria Freitas Belo hateten haree ba evidensia hirak ne’e presiza halo intervensaun sériu, hodi responde ba violénsia doméstika ne’ebé mak akontese iha komunidade ho esforsu sériu, hodi halo aprosimasaun  no envolvimentu parte relevante, parseiru dezenvolvimentu, hodi dezenvolve matadalan nasionál, profisionál saúde hodi atende ba violénsia bazeia ba jéneru, inklui violénsia hasoru parseiru íntimu sira.

“Presiza atu sosializa ba iha profisionál da saúde sira, laos ba sosializa de’it maibé tenke implementa mós,” dehan  Ministra Odete Belo, bainhira halo nia intervensaun iha Salaun Katedrál Vila Verde, Sesta 01/10.

Nia salienta bazeia ba matadalan ida ne’e, Institutu Nasional Saude (INS) nia papél mak fó formasaun, nafatin halo peskiza, elabora pakote informasaun nian hodi implementa iha munisipiu sira, hanesan agora implementa ona iha Ermera no Liquiça  no sei kontinua abranje iha munisípiu seluk, ho objetivu  atu hasae kapasidade no abilidade profisionál saúde sira ba identifikasaun sedu hodi aprósima no fó kuidadu ba asuntu sira ne’ebé mak liga bazeia violénsia ba jéneru.

“INS fornese ona formasaun ba Profisionál saúde hamutuk 1958 formante, feto 1067 no mane 891 relasiona ho Janeiru. Ita iha feto lubuk ida nia persentajen iha 54,4%,” nia esplika.

Iha fatin hanesa Diretora Ezekutivu Institutu Nasional Saude (INS), Domingas Pereira dehan konaba formasaun hotu ne’ebé INS iha tinan 5 halo ne’e, ho númeru 5 ate 6 mill pesoa hanesan ne’e mak INS fó formasaun ona.

Tuir programa governu ninia, ne’ebé sita konaba abordajen jéneru nian, entaun INS nia papél mak halo formasaun, kapasita ba profisionál saúde no peskiza iha area saúde.

Print Friendly, PDF & Email

LEAVE A REPLY

Please enter your comment!
Please enter your name here