Reportajen David da Costa Gusmao
Durante 20 anos partidu politku uza juventude sira sai deit ornamentu ba iha diskursu politiku ka kampaña politika sira nian, ho ida ne’e kandidatu indepeden ba Prezidente da Republika (PR) periodu 2022-2027 Virgílio da Sliva Guterres “Lamukan”, bainhira sae ba iha Prezidente da Republika nia sei foka liu ba iha dezenvolvimentu juventude nian.
Kandidatu indepeden ba Prezidente da Republika (PR), Virgílio da Sliva Guterres “Lamukan” dehan, bainhira partidu politiku sira halo kampaña no halo diskurus koalia katak juventude mak futuru nasaun nian ,mas depois ukun tia laiha politika ida ne’ebe koalia konaba dezenvolviementu juventude nian.
”Hau atu rekomenda deit, kualkere governu ne’ebe sae, se hau maka sae ba iha prezidente, hau atu dehan ita nia populasaun ne’e juventude katak maioria mais 60% ne’e idade 15 to’o 35 entaun foku ba dezenvolvimentu ne’ebe foka liu ba iha dezenvolvimentu juventude nian,” Dehan Virgílio da Sliva Guterres “Lamukan” bainhira partesia iha debate kandidatura Prezidente Republika Periodu 2022-2027 iha Tve, segunda 21/02.
Nia haktuir halo sekretariu Estadu Juventude no Desportu (SEJD) ikus mai alokasaun orsamentu menus maibe tenke eleva SEJD ne’e ba iha Ministeiru atu nune’e nia iha kapasidade no iha rekursu ne’ebe supesente atu tau atensaun ba dezenvolvimentu juventude ninian.
Tanba iha konstituisaun ne’e mos hateten katak oinsa halo joventude ne’e sai hanesan save ka elementu ne’ebe importante iha unidade nasionál, maibe durante tinan 20 anos ne’e juventude sai deit ornamentu ba iha diskursu politiku ka kampaña politika sira nian.
“Buat ida mak Hau kampaña katak durante 20 anos ne’e juventude sai deit oranamentu ba iha ita nia diskursu politiku ka ornamentu ba iha ita nia kampaña politika bainhira to’o ona iha elisaun ita presiza juventude sira fó apoiu partidu sira hodi halo kampaña,” tenik nia.
