Reportajen Agustinha Amaral
Sekretária Estadu Igualdade (SEI) Elvina Sousa Carvalho hala’o enkontru dahuluk entre grupu jéneru interministerial ho grupu jéneru munisipal tanba papel iha liña ministerial no papel iha munisipal importante tebes atu asegura politika no programa liga ho asuntu igualdade
“Ho planu ne’ebé asesivel ba jéneru hanesan papel krusial tebes iha programa implementasaun governu nian iha munisipal no ministerial ho nune’e ohin ita rona rasik diskursu katak implementasaun programa orsamentu ba jéneru hodi asegura programa ne’ebe nia finalidade atu asegura igualidade jéneru,” hatete Sekretáriu Estadu SEI, Elvina iha otel Novu Turizmu, 15/08.
Nia dehan, presentasaun konaba relatóriu CEDAW ( Convention on the Elimination of All Forms of Discrimination Against Women) SEI nia planu ba loron 120 ba iha programa governu ne’ebe mak foka ba area igualidade jéneru no inkluzaun, hanoin ida ne’e kestaun mais tékniku, atu hatete katak rekomendasaun husi CEDAW ne’e nu’udar kontinuasaun husi ita nia relatóriu ne’ebe hatama.
“Hanesan nasaun ida ne’ebe lidera ba konvensaun ne’e iha obrigasaun atu implementa politika adota lei, politika ruma bazeia mos ba kovensaun implementasaun ne’ebe periodikamente ita halo relatóriu no husi relatóriu mak konsulta ita nia rezultadu husi rekomendasaun husi konvensaun mak ohin halo apresentasaun,” nia dehan.
Aprezentasaun ohin fahe informasaun ba grupu traballu entre ministerial no munisipiu hodi hatene rekomendasaun husi komite mak aprezenta, entaun obrigasaun presija atu halo aktividade sosilizasaun hodi trasmite relatóriu ne’e ba ministériu sira atu nune’e Parlamentu Nasional ba iha Ministériu sira ne’ebe save ba implementa.
“SEI hanesan makina estadu no makina governu mak espesifikamente haree konaba politika ne’ebe mak promove igualdade jéneru, partispasaun feto iha elisaun suku, ida ne’e importante tebes no konstituisaun fo dalan oinsa feto tenki ativu no feto tenki brani, tanba ne’e feto tenki hetan apoiu husi ema ne’ebe besik atu nune’e feto labele hetan deskriminasaun,” tenik nia
Entre tantu, Administrador munisípiu Manufahi, Arantes Isac Sarmento konsidera programa Sekretariu Estadu Igualdade (SEI) nian ne’ebe liga liu ba feto la’os responsável lina ministerial ida mesak, maibé ministériu hotu nian to’o nível munisipal.
“Enkontru ida ne’e importante tebes, tanba asuntu responsável ba feto la’os ministério ida nian mesak, maibe ba interese ministeriu hotu nian,” hateten administrador munisipiu Manufahi
Tanba ne’e mak SEI haree asuntu igualdade ne’e hanoin ida ne’e importante tebes hodi proteje no dezenvolve feto sira iha setor oi-oin entaun tenki iha planu ida ne’ebe ho asaun.
“Importante mak oinsa dezenvolve feto sira iha area rural, tanba feto sira iha area rural menus informasaun, tanba ne’e sira susar tebes atu kapasita aan hodi dezenvolve iha setor ekonomia ninian ho situasaun hanesan entaun presiza ema hotu nia atensaun,” katak nia.
Tanba ita hare programa IX governu nian ne’ebe SEI tau prioridade ba feto, atu nune’e husi postu to’o munisípiu sira bele entende dia-di’ak programa hira ne’e, tanba delegasaun ba munisípiu liu-liu ligasaun ho dekretu lei numeru 3/2016 katak munisipiu sira iha planu no orsamentu rasik liga asuntu refere, tenik nia.
