Home EduTek SLX Loke Kunkursu Publiku Hakerek Istoria Iha Lian Makasae No Baikenu

SLX Loke Kunkursu Publiku Hakerek Istoria Iha Lian Makasae No Baikenu

994
0
Ofisial Projetu Jeronimo iha SLX. ]Foto: SLX | 01.10.2021]

Hakerek nain media officer SLX

Sala Leitura Xanana  (SLX) loke konkursu publiku ba etudante no joven sira, husi parte Leste (Baucau, Lautem no Viqueque) no parte Oeste mak (RAEOA) atu hakerek istoria iha Lian Makasae no Baikenu, atu promove liu tan sira-nia talentu iha hakerek liu husi lenda no fiksaun.

Ofisial Projetu Jeronimo Fernandes hatete objetivu husi kompetisaun ne’e fó oportunidade ba timoroan sira dezenvolve sira nia abilidade  talentu sira liu husi hakerek istória lenda no fiksaun, hanesan dalan ida atu promove no prezerva lian lokál sira ho forma eskrita.

Kompetisaun hakerek istória iha lian lokál makasae no baikenu iha kategoria rua, lenda no fiksaun ne’ebé ho nia orijinalidade mai husi komunidade makasae no baikenu rasik.

“Rezultadu husi kompetisaun hakerek istória ida ne’e ami sei halo produsaun livru, gravasaun audio (CD) no vídeo animasaun ne’ebé sei distribui ba biblioteka no eskola sira hodi kompleta matéria aprendizajen eskola sira iha munispiu Baucau, Viqueque, Lauten no Oe-cusse, no prodús ba  livru atu kompleta disiplina (matéria) aprendizajen hodi bele tulun labrik pré-eskolar sira aprende ho diak, Prezerva no promove lian inan sira iha ámbitu dezenvolvimentu edukasaun literatura no Kontribui dezenvolvimentu abilidade ka talentu hakerek joven no estudante sira nian,” dehan Ofisial Projetu Jeronimo iha Sala Lituria Xanana, Largo Licidere, Sexta 1/10.

Nia dehan, tuir dadus sensu uma kain 2015 hatudu katak komunidade parte leste hanesan Baucau, Viqueque no Lauten barak liu koalia lian makasae ne’ebé ho nia persentajen 10.5% no tuir mai komunidade sira iha parte oeste hanesan Oecusse koalia lian Baikenu ho nia persentajen 5.9%. Ho nune’e, ba tinan ida ne’e, SLX deside hili lian inan Makasae no Baikenu ba prioridade kompetisaun espesiál ida ne’e.

“Ba tinan ida ne’e, ami foka ba kolesaun istória lokál iha  lian rua; “Makasae no Baikenu”. Ami anúnsiu ona konkursu hodi komunidade sira husi lian Makasae no lian Baikenu bele partisipa, liu-liu joven no estudante sira atu promove liu tan sira-nia talentu iha hakerek”, tenik nia.

Nia salienta rezultadu hirak ne’e sei prodús livru pakote rua iha lian lokal makasae no baikenu ho nia tradusaun tetun ne’ebé sei  dedika ba labarik sira iha nível pré-eskolar.livru hirak ne’e sei fahe ba komunidade no biblioteka públiku ka eskola sira iha munsípiu Baucau, Viqueque, Lauten, no autoridade administrativu Oecusse Ambeno.

“Lian lokál sira ne’e ita tenke prezerva no promove nafatin atu labele lakon. Iha tinan 2019, Sala Leitura Xanana  (SLX) simu apoiu fundu husi Governu Victoria-Austrália kolekta istória iha lian Mambae ho susesu tebes, ami kolekta istória liu hosi konkursu hakerek dala tolu entre tinan 2019 no 2020,” dehan nia.

Nia konklui ulu hili istória 12 konsidera diak liu, hafoin halo ilustrasaun imajen, prodús livru no versaun audio ne’ebé mak lansa tiha ona iha loron 21 Maiu 2021. Livru versaun PDF ami tau ona iha website Sala Leitura nian, ema hotu bele asesu atu lee ka donwload rasik. Ho ida ne’e mak ami hakarak atu loke tan fali kompetisaun ba estudante no jovem sira iha parte Leste ho Oeste atu bele partesipa fali iha kompetisaun hakerek istoria iha lian makassae ho Baikenu.

Print Friendly, PDF & Email

LEAVE A REPLY

Please enter your comment!
Please enter your name here