Reportajen Francisco JDA
Sekretáriu Estadu Juventude no Desportu (SEJD) halo teste eskrita ba kandidatu sira, ne’ebe aplika ba pozisaun Unidade de Servisu Sekretaria Estadu iha postu Administrativu hamutuk 48, ho objetivu oinsá bele ajuda di’ak liu tan, joven sira atu dinamiza sira nian atividade partikularmente iha area Desportu nian
Ba Neon Metin Sekretariu Estadu Juventude no Desportu, Abrao Saldanha hateten sistema ba aplikasaun sira ne’ebé hato’o sira nia submisaun, ka dokumentu liu hosi online ka email, nune’e totál dokumentu ne’ebé tama liu hosi email hamutuk 1011, hosi ne’e sira ne’ebé liu selesaun dokumentu iha 469, hosi vaga ne’e SEJD presiza ema 96 ba postu administrativu 48 uluk, no kada postu Administrativu ida sei presiza de’it ema nain rua, nune’e prosesu selesaun ne’e la eziste sistema família ka sistema seluk
“Iha prosesu rekrutamentu ne’e ami aposta ba konsensu de méritu, labele hanoin katak halo formalitas de’it ne’e lae, ema hotu mai tama iha stadium ne’e iha kesempatan hanesan, atu hadau malu fatin ne’e. Iha ne’e la iha sistema família ka sistema oin-oin, Timoroan hotu hanesan iha prosesu ne’e” hatete Abrao Saldnha iha Stadium Municipal Dili, 05/11
Abrao hatutan tan, bainhira kandidatu sira ne’ebé liu sei ba faze entrevista no hosi ne’e mak sira sei iha tarefa tinan ida nian, sira tenke atinje ajuda formasaun joven sira iha suku ka ajuda eventu desportu mínimu rua ka tolu, hafoin mak avalia bazea ba rezultadu no planu asaun SEJD nian.
