Home Notisia PNTL: Kazu Iha Samalari Baucau, Laiha Relasaun Ho Grupu Arte Marsiál

PNTL: Kazu Iha Samalari Baucau, Laiha Relasaun Ho Grupu Arte Marsiál

3812
0
Porta Voz Komandu Jerál PNTL, Superintendente Xefe Arnaldo de Araújo. [Foto: Francisco JDA | 04.11.2021]

Reportajen Francisco JDA

Porta Voz Komandu Jerál Polísia Nasionál Timor-Leste ( PNTL ) liuhusi Superintendente Xefe Arnaldo de Araújo informa ba jornalista  sira katak relasiona ho akontesimentu ba kazu insidente ne’ebé akontese iha Suku Samalaria Postu Administrativu Baucau Vila Munisípiu Baucau iha loron 1 fulan Novembru nune’e daudaun ne’e Polisia Nasionál Timor Leste ( PNTL) no Polísia Nasionál Sientífiku investigativu Criminal  (PNSIC) hala’o hela prosesu investigasaun nia laran, maibé kazu ne’e lai iha relasaun ho problema grupu arte marsiais no prosesu investigasaun kontinua la’o hela.

Porta Voz Polísia Nasionál Timor Leste, Arnaldo Araujo dehan insidente ne’e akontese iha oras 19:00 kalan, no rezulta joven na’in rua ida mate no ida seluk kanek, nune’e insidente ne’e deskonfia inisiál FCS no daudaun suspeitu ne’e iha ona detensaun Polísia Eskuadra Baucau vila hodi hein prosesu tuir mai

“Asuntu ka problema ida ne’e la iha relasaun ho grupu  arte marsiais Vitima ba kazu ne’e, ho inisiál MC mate nia idade 25, klosan no hela fatin iha Sesal  Baucau, no ida kanek ne’e ho inisial DCMF moris iha Samalari Baucau nia profisaun  estudante estadu Civil klosan sira nain rua ne’e mak sai Vitima ba insidente ida ne’e” hatete Porta Voz PNTL Superintendente Xefe Arnaldo de Araújo iha Kuartél Jerál PNTL Municipiu Dili,04/11

Porta Voz ne’e subliña tan akontesimentu ne’e PNTL Eskuadra Baucau too kedas iha fatin no halo Investigasaun no asegura kedas fatin, nune’e suspeitu lori kedas ba iha Detensaun tanba iha fragante de lito.

Ho situasaun ne’e Polísia Nasionál Sientífiku  Investigativu Criminal ba ona iha Munisípiu Baucau hamutuk ho Sientífiku Nasionál Investigador Baucau nian hodi halo rekonstrusaun ba lokál ho krime, hodi buka tan evidénsia ruma no buka tan sasin ne’ebé mak iha momentu ne’eba, atu nune’e kompleta tan evidénsia balun

Print Friendly, PDF & Email

LEAVE A REPLY

Please enter your comment!
Please enter your name here