Reportajen David da Costa Gusmao
Populasaun iha munisípiu Manufahi 83% asesu ona bee moos no saneamentu, iha kategoria sintina permanente 40%, semi permanente 29% no sintina manual 31%
Administradór Munisipiu Manufahi, Arante Izac Sarmento deklara kona-ba setór bee moos no saneamentu. hosi serbisu bee moos no saneamentu munisipiu ho apoiu hosi governu no Water Aid , estabelese ona sistema bee moos 189 iha area urbana no rural sira iha area Munisipiu Manufahi.
“Populasaun iha munisípiu Manufahi 83% mak asesu bee moos, no sei hela 18% mak seidauk hetan asesu bee moos,” dehan Administradór Munisipiu Manufahi Arante, iha nia diskursu iha salaun parokiál Manufahi, Kuarta 17/11.
Nia haktuir sistema hirak ne’e, balun avaria ona tanba kestaun tekniku, hanesan hirak ne’ebé uza solar painel hodi dada bee hosi fatin klean ba komunidade nia hela fatin iha foho leten sira. Balun tanba dezastre iha tempu udan, rai halai, bee sobu, no tempu bailoron, ahi han.
No oras ne’e Agua Portugal hala’o hela levantamentu iha area urbana atu hodi rehabilita no aumenta instalasaun sira ne’ebé tuir mai sei responsabiliza operasionalizasaun hosi empreza Bee nian, no Administrasaun Munisípiu sei responsabiliza de’it ba areas rural sira no daudaun ne’e lao hela.
Nia salienta kona-ba saneamentu, Manufahi deklara ona ALFA iha tinan 2019, ho kategoria sintina permanente porsentu 40, semi permanente porsentu 29, no sintina manual porsentu 31.
Geografikamente Munisípiu Manufahi iha nia luan 1,643,76 km², no administrativamente fahe ba iha postu administrtivu haat, suku 29 no aldeia 13. Entertantu bazeia ba relatoriu husi suku iha tinan 2021, iha munisipiu mamufahi iha totál populasaun 70,239 no totál uma kain 14,947.
