Home Notisia Loron 15 Dezembru Max Stahl nia Sinzas Sei To’o Timor Ho Aviaun...

Loron 15 Dezembru Max Stahl nia Sinzas Sei To’o Timor Ho Aviaun Qantas

703
0
Komisaun Organizador ba preparasaun simu sinzas Max Stahl. [Foto: David | 13.12.2021]

Reportajen David da Costa Gusmao

Komisaun Organizadora ba preparasaun simu Saudozu Max Stahl nia sinzas informa ba públiku, katak sinzas husi Max Stahl nian sei to’o iha Timor loron 15, oras tuku 11:45 ne’ebe sei akompanha husi nia espoza no oan sira..

Liuhusi konferénsia imprensa, Prezidente Komisaun Organizadora, Silveiro Pinto hateten saudozu Max Stahl nia  sinzas sei to’o  iha Dili loron 15 Dezembru, iha Aero portu Internasionál Nicolao Lobato, Comoro-Dili, ho aviaun Qantas mais ou menus tuku 11:45, no sei akompaña ho nia espoza o nia oan sira.

“Saudozu Max Stahl hanesan ita nia kompañeiru da luta, tanba nia luta ba ita Timor-Leste nia ukun rasik-an ida ne’e, no mós didika nia-an ba ita nia ukun-an ida ne’e,” nia dehan iha Sentru Audio Vizuál Max Stahl (CAMSTL), Segunda 13/12.

Ho ida ne’e estadu Timor-Leste, liuhusi Ministériu Prezidénsia Konsellu Ministru ho estadu Timor-Leste fo omenajen ba saudozu Max Stahl, tanba ida ne’e mak liuhusi Ministériu Prezidénsia Konsellu Ministru hodi kria komisaun organizador hodi halao knaar  to’o ona ba nia rohan.

“No ita hein deit iha loron 15 Dezembru, bainhira família lori saudozu Max Stahl nian sinzas mai husi Australia, ita sei simu ofisiál lori estadu Timor-Leste no povu Timor, no ikus ita sei fo omenajen tuir kultura Timor-nian, iha fatin CAMSTL, fatin Saudozu Max Stahl nian,” Nia esplika.

Nia haktuir, iha loron 16 Dezembru,  sei iha atividade konaba  konta istória husi Max Stahl nia kolega sira ne’ebe uluk besik nia, no halo komunikasaun ho nia. Iha loron 17 Dezembru dadersan sei lori sai Max Stahl nia sinzas iha CAMSTL,  ba iha igreja Motaél hodi halo misa, ne’ebe sei prezide husi Arsebispu  Arkidioseze Metropollitana Dili,  Don Virgílo Do Carmo Da Silva no sei hlo marsa ba semitériu Santa Cruz hodi haloot nia sinzas

Christopher Winner koñesidu liu ho naran Max Stahl , moris iha Reinu Unidu iha loron 06 dezembru 1954 , hanesan responsável ba filmajen no imajen masakre Santa Cruz , ne’ebé akontese iha loron 12 Novembru 1991 . Max Stahl , hakotu iis iha loron 28 Outubru , iha Brisbane , tanba moras ne’ebé nia sofre kleur ona.

Print Friendly, PDF & Email

LEAVE A REPLY

Please enter your comment!
Please enter your name here