Home Notisia Simu Sinzas Max Stahl, PNTL Sei Taka Dalan hahú Husi Aero Porto...

Simu Sinzas Max Stahl, PNTL Sei Taka Dalan hahú Husi Aero Porto no Fatin Balun Iha Dili Laran

3578
0
Enkarregadu Operasaun Polisia Nasinál Timor-Leste (PNTL), Munisipi Dili, Inspektór Jose Maria Boavida. [Foto: David | 13.12.2021]

Reportajen David da Costa Gusmao

Polisia Nasionál Timor-Leste (PNTL) prontu atu asegura saudozu Max Stahl nia sinzas ne’ebe sei to’o iha Timor-Leste iha loron 15 Dezembru iha aero portu Internasinál Nicolao Lobato Comoro Dili, ho aviaun Qantas iha oras tuku 11:45 OTL.

Tuir Enkarregadu Operasaun Polisia Nasinál Timor-Leste (PNTL), Munisipi Dili,  Inspektór Jose Maria Boavida informa konaba seguransa ninian, hahú simu saudozu Max Stahl iha aero porto Internasional Nicolau Lobato-Comoro, mai to’o iha fatin CAMSTL katak iha ona planu ne’ebe pozitivu.

“Polisia sei ba prepara planu, para atu bele asegura Max Stahl nia  sinzas durante halo komboiu husi aero portu mai to’o iha fatin CAMSTL, konaba seguransa ami prontu ona atu asegura  iha loron ne’e,” dehan Jose iha Centru audio vizuál Max Stahl (CAMSTL), Segunda 13/12.

Nia haktuir konaba rute ne’ebe iha ona, polisia tránzitu sira ho ekipa taskforce sira prepara taka dalan, bainhira Max Stahl nia sinzas husi aero portu atu liu mai. Rute ne’ebé atu liu mak husi aero portu mai iha ponte CPLP, tun ba fali ba tasi ibun to’o Becora , Taibesi tun Balide no kontinua mai iha Katedrál no ikus mai para iha Centro audio visual Max Stahl ( CAMTL ) nian.

Christopher Winner, koñesidu liu ho naran Max Stahl, moris iha Reinu Unidu iha loron 06 dezembru 1954 , hanesan responsável ba filmajen no imajen Masakre Santa Cruz , ne’ebé akontese iha loron 12 Novembru 1991. Max Stahl, hakotu iis iha loron 28 outubru, iha Brisbane Australia,  tanba moras ne’ebé nia sofre kleur ona.

Print Friendly, PDF & Email

LEAVE A REPLY

Please enter your comment!
Please enter your name here