Home Notisia UDT Fó Apoiu ba Xefe Estadu nia Desizaun Ba Data Eleisaun

UDT Fó Apoiu ba Xefe Estadu nia Desizaun Ba Data Eleisaun

753
0
Sekretariu Jeral partidu UDT, Francisco David Xavier Carlos. [Foto: Santy | 08.01.2022]

Reportajen Santina Lucia da Costa

Prezidente Republika Dr. Francisco Guterres Lú Olo, enkontru ho Partidu União Demokratika Timorense (UDT) hodi rona opiniaun molok dekreta data eleisaun Prezidensial tinan ne’e, nune  UDT fó apoiu ba Xefe Estadu nia desizaun.

 “UDT sempre hamutuk ho Prezidente Republika fó apoiu dekretu kona-ba data eleisaun, desizaun ne’ebé Prezidente Republika nian, hanesan mós ami nia hakarak” hateten, Sekretariu Jeral partidu UDT, Francisco David Xavier Carlos, hafoin enkontru ho Xefi Estadu iha Palasiu Prezidensiál, Nicolau Lobato, Bairu-Pite, 7/01.

Sekretariu Jeral partidu UDT, dehan, UDT apresiasaun louva ba Prezidente Republika durante tinan lima lidera estadu ida ne’e,  hasoru dezafius barak, maibé pasiensia, kalma no hatur buat hotu-hotu iha nia fatin,  Prezidente Republika Francisco Guterres Lú Olo sai ezemplar.

Kona-ba kandidatura UDT nia atu kompete iha eleisaun Prezidensial tinan ne’e, Francisco David Xavier Carlos, hateten, UDT seidauk enkontru ho konsellu superior politiku para atu foti desizaun, ne’e kabe ba kompetensia konsellu superior politiku nian, sei liuhusi konferensia, no sei fó sai iha media sé mak atu kandidatu ba Prezidente Republika, no hakarak sai Prezidente ida ne’ebé bele lori Timor ba oin ho situasaun dezafius barak ne’ebé agora dadaun ita infrenta, bele sai husi sirkulu ida ne’e.

Entretantu molok dekreta data eleisaun Prezidente Republika, Tuir artigo 12 husi lei Numeru 7/2006, 28 Dezembru ho alterasoins susesivas ba lei ne’e, tenke rona uluk governu no partidus ho asentu iha Parlamentu Nasional.

No iha loron 6-7 Janeiro 2022 Prezidente Republika sei rona Partidu Politikus sira ho asentu iha Parlamentu Nasional atu hatene sira nia hanoin kona-ba data eleisaun prezidensial ne’ebé sei akontese, pelu menus loron 60, molo Prezidente Atuál remata ninia mandatu iha 20 Maiu 2022.

Prezidente Republika apresia postura boot UDT nian iha Parlamentu, perante ami nia mandatu, hau rasik hanesan deputadu iha ne’eba, tuir karakteristika UDT sentru moderadu

Print Friendly, PDF & Email

LEAVE A REPLY

Please enter your comment!
Please enter your name here