Reportajen David da Costa
Prezidente Repúblika,Dr. José Ramos-Horta, ezonera Ajuntu- Xefe Kaza Militár, Superintendente João dos Reis Belo no Xefe Estadu nomeia Superentidente-Assistente Luís Barreto Soares ba Adjuntu-Xefe Kaza Militar Prezidénsia Repúblika nian.
Liuhusi Komunidau Imprensa ne’ebé Neon Metin asesu husi Palásiu Prezidente Bairo-Pite, Xefe estadu José Ramos-Horta, ezonera Ajuntu- Xefe Kaza Militár, Superintendente João dos Reis Belo tanba konsidera katak, integra iha lista promosaun ba postu superior no manifesta ninia interesse atu hadi’a karreira profisionál.
“Desizaun ne’e liuhusi dekretu Prezidente Repúblika, númeru 59/23 de 29 de Jullu, bazeia ba númeru 3, artigu 26, Lei Orgánika Prezidénsia Repúblika, Lei númeru 3/201 de 1 de Juñu,” dehan iha Komunidau Imprensa ne’ebé Neon Metin asesu iha Palásiu Prezidente Bairo-Pite, Kinta 6/07.
Xefe Estadu mós konsidera númeru elementu husi Polísia Nasional Timor-Lorosa’e – PNTL ne’ebé maka tinan ne’e, sei tama iha situasaun apozentasaun.
Hafoin ne’e, liuhusi dekretu Prezidente Repúblika, númeru 60/2023 no bazeia ba Lei Orgánika Prezidénsia Repúblika, Xefe Estadu nomeia Superentidente-Assistente Luís Barreto Soares ba Adjuntu-Xefe Kaza Militar Prezidénsia Repúblika nian.
Antes ne’e, Adjuntu- Xefe Kaza Militar assume kna’ar hanesan Adjuntu Diretor-Jerál Servisu Migrasaun entre 2009 to’o 2016, Komandante ba Sektor Permanente Estranjeiru husi tinan 2016 to’o 2019, Adidu Migrasaun iha Indonézia entre 219 to’o 2020 no iha inan 2023, okupa temporáriamente Komandu ba Pessoál no Formasaun.
Superentidente-Assistente Luís Barreto Soares doutoradu iha àrea Direitu husi Universidade Udayana Bali no mós hetan formasaun oi-oin iha àrea investigasaun criminal, exploitasaun sexual, tráfiku umanu, lideransa no demokratizasaun.
