Reportajen David da Costa Gusmao
Ministériu Saúde (MS) rejista tan kazu dengue hamutuk 1198 iha loron 30 Janeiru. Liuhusi komunikadu imprensa ne’ebe Neon Metin asesu, iha Diresaun Nasionál Saude Publika, Departamentu Vijilansia Epidemolojia rejistu kazu dengue hamutuk 1,198, kazu dengue maioria iha Dili ho total 809 no akumulativu obitu na’in 20.
“Situasaun kazu Dengue Iha Timor Leste Ohin loron dia 30 de janeiro de 2022 kazu dengue hamutuk 1,198 no kumulativo obitos nain 20 Maioria kazu ne’e deteta husi Munisípiu Dili ho total 809 kazu, Ermera ho kazu 77, Manatuto ho kazu 77, Baucau ho kazu 52, Manufahi kazu 52, Covalima ho kazu 43, Bobonaro ho kazu 25, Liquica kazu 21, Aileu ho kazu 16, Ainaro ho kazu 14, Viqueque 10, RAEOA ho kazu 2. Em jeral total Munisípiu 11 ho RAEOA mak agora daudaun relata kazu dengue,” Dehan Iha komunikadu Imprensa ne’ebe Neon Metin asesu iha Diresaun Nasionál Saude Publika no Departamentu Vijilansia Epidemolojia, Iha loron segunda 30/01.
Iha Municipio Dili nafatin rejistu kazu ne’ebe aas iha Primeira semana-kinta Semana fulan Janeiro 2022, ho total 809 kazu. Hare ba kada loron kazu aumenta bebeik husi Munisípiu Dili.
“Idade mais afetadu mak husi idade menus husi 14 anos mai kraik ho grupu edade 5-14 ho porsento 42,4% no edade 1-4 ho 36,2%. Ho ida ne’e Attack Rate (AR) idade 1-14 anos a nivel Nasionál ho 0.21%,” hateten iha komunikadu.
Iha komunikadu ne’e haktuir tan iha Postu Administrativu Dom Aleixo relata kazu aas liu husi Posto administrativu hotu ho total 412 kazu iha primeira semana-kinta semana Janeiro 2022, hafoin tuir husi Posto Aministrativo Cristo Rei 162 kazu, Nain-Feto 111 kazu no Vera-Cruz 104 kazu.
Kazu obitu husi tinan 2020 ho total 10, iha tinan 2021 ho total 11 obitos. Iha Primeirasemana fulan janeiro 2022 iha obitu nain 1 nebe’e relata husi Municipio Dili, no iha Terceira semana relata kazu obitos; Municipio Ermera nain 4, Ainaro nain 1 no Bobonaro nain 1 no Quarta semana relata obitos nain 2 husi Municipio Covalima no 7 husi Municipio Dili no quinta semana relata kazu obito 3 husi Municipio Dili nain 1 husi Municipio Viqueque ida ne’e total Case Fatality Rate nivel nasional ho porsento 1,7%. Dehan iha komunikadu ne’e.
Kazu Dengue Iha Municipio Dili to’o ohin loron relata ona kazu 809 kazu no obito nain 11. Tuir kalendariu epidemiolojia tinan 2022, iha primeira semana fulan janeiro Tinan 2022 Municipio Dili relata total 38 kazu no iha semana Segundo fulan Janeiro 2022, relata 158 kazu no iha Terceira semana relata ona 123 kazu no ohin quarta semana relata kazu ho total 247, iha quinta semana relata kazu ho total 220.
“To’o ohin loron kinta semana fulan Janeiro Tinan 2022 Posto administrativo Dom Alexo relata kazu total 412, hafoin Posto Administrativo Cristo Rei ho 162 kazu. no tuir kedan posto administrativo Nain Feto 111 kazu no Vera-Cruz ho total 104 kazu, ne’e hatudu katak kada dia kazu espalha nafatin ba iha posto administrativo sira seluk,” tenik iha komunikadu.
Iha Munisipiu Dili idade ne’ebé mais afektadu mak husi idade menus husi 14 anos mai kraik ho grupu odade 5-14 ho total 361 kazu no idade 1-4 ho total 329 kazu. Ho ida ne’e Attack Rate (AR) idade 1-14 anos Municipio Dili ho 0.63%.
Distribuisaun kazu dengue tuir klasifikasaun mak Dengue Fever (DF) ho total 676 kazu, Dengue Hemorrhagic Fever (DHF) ho total kazu 67 no Dengue Shock Syndrome (DSS) ho total kazu 66.
