Reportajen Zevonia Vieira
Prezidente Repúblika, Dr. Francisco Guterres Lú Olo, sei foti férias anuál loron 12. Tuir Estatutu Titulares Órgauns Soberania, (númeru 4 artigu 10, Lei n°7/2007, 25 jullu altera husi Lei n°7/2017, 26 abril), tinan-tinan, titular no membru órgaun soberania sira iha direitu ba períodu férias loron 30
Liuhusi komunikadu ne’ebe Neon Metin asesu informa katak maibé,tanba motivu servisu, tinan-tinan Prezidente Repúblika, Dr. Francisco Guterres Lú Olo, la hasai férias tuir lei determina.
Liuhusi karta, ho data 21 Fevereiru 2022, Prezidente Repúblika informa ba Prezidente Parlamentu Nasionál katak sei goza férias iha 28 Fevereiru no mós iha loron úteis husi 1 to’o 16 Marsu 2022, iha territóriu nasional.
Tanba Prezidente Repúblika órgaun unipesoál (ema ida de’it mak kaer), nia sei hala’o nafatin ninia knaar tuir Konstituisaun haruka durante períodu férias ne’e.
