Reportajen Santina Lucia da Costa
Partidu Frente Revolusionáriu Timor-Leste Independente (FRETILIN) fo apoiu ba kandidatu Prezidente Repúblika, Dr. Francisco Guterres Lú Olo ho razaun tolu katak Lú Olo ema FRETILIN, Timor-Leste Presiza Prezidente Repúblika ida, para atu ajuda rai ne’e atu hateke ba oin, no presiza Prezidente ida atu transforma Prezidénsia Repúblika hanesan Instituisaun ida, ho kultura institusionál no vida institusionál.
Sekretáriu Jerál FRETILIN, Dr. Marí Alkatiri deklara Apoiu FRETILIN nian ba Lú Olo ho razaun tolu (3), mak hanesan, Primeiru, Lú Olo ema FRETILIN nia nunka nega, bainhira kria komisaun diretiva FRETILIN iha Foho Sekretáriu Komisaun Diretiva ikus liu mak Lú Olo duni troka Nino Coni Santana, ne’e estrutura másimu iha Foho, Sai Prezidente Konsellu Koordenador FRETILIN nian iha tinan 1998, Marí Alkatiri sai hanesan Vise, Ikus fali mai Sai Prezidente FRETILIN, Marí Alkatiri hanesan Sekretáriu Jerál.
Segundu, Timor-Leste presiza Prezidente Repúblika ida para atu ajuda rai ne’e atu hateke ba oin, Atu ajuda, atu hametin independénsia, signifika hametin estadu direitu demokrátiku.
Terseiru, Presija Prezidente ida atu transforma Prezidensia Republika hanesan Instituisaun ida, ho kultura insitituisional no vida instituisional.
Sekretariu Jerál FRETILIN, hateten, Ho razaun sira ne’e hotu ita nia kandidatu Lú Olo uniku Kandidatu agora iha Timor-Leste tenki manan duni. Lú Olo iha kapasidade para atu hatene koopera ho Governu para atu fó prioridade ba programa ké fó benefisiu ba povu tomak.
“Hau fiar ho serbisu ita halo dadauk 125.000 asinaturas, ho serbisu kontinua halo dadauk ho estruturas enkluzivas no transversais kampaña iha fatin hotu-hotu, Estruturas ho joven sira hamutuk ho Lú Olo ho serbisu sira ne’e hotu ita sei dudu sira ba sorin, portantu laiha riseiu, serbisu nafatin ho respeitu ba lei no konstituisaun, ita serbisu nafatin fó apoiu tomak, fó apoiu seim limites ba ita nia kandidatu Francisco Guterres Lú Olo. Hau hateten aban ba oin realidade sei muda.” Dehan Marí Alkatíri durante intervensaun iha serimónia lansamentu ba sede kampaña Kandidatu Lú Olo iha Luz Clarita, Formoza, 28/2.
Alkatíri afirma haree ba lista iha organizasaun oioin 26 kedas mak apoia kandidatu Lú Olo, ne’e signifika tempu kuaze tinan lima Lú Olo hanesan Prezidente Republika, Prezidente ida ké fó konfiansa tomak, transmite konfiansa ba povu ida ké halerik tempu naruk demais ona, konfiansa bainhira nia foti desizaun hateke de’it ba konstituisaun lei ho konsiensia rasik. Hateke de’it ba konstituisaun lei no pensamentu transversal, Prezidente ba ema hotu-hotu ho ema hotu-hotu nia apoiu.
“Ita haree kandidatu 16 kedas, tanba saida hau hanoin kondisaun iha tomak atu Lú Olo manan iha primeira ronde, hau dehan ba Kamarada Lú Olo, hau agora joven fila-fali hau mai husi Portugal saude 100% hau sei fó tomak hau nia kbiit, hau sei fó tomak hau nia saude ba halo Kamarada Lú Olo sai Prezidente Republika 2022-2027.” Dehan, Alkatíri.
