Home Notisia MSSI no MCAE Apoiu Retoma no Manutensaun Atividade Garante Dezenvolvimentu Ekonomia

MSSI no MCAE Apoiu Retoma no Manutensaun Atividade Garante Dezenvolvimentu Ekonomia

163
0
MSSI no MCAE iha konferensia imprensa. [Foto: Santina Lucia da Costa | 29.10.2020]

Reportazen Santina Lucia da Costa

Ministra Solidariedade Sosial Inkluzaun (MSSI) ho Ministru Koordenador bq Asuntu Ekonomia (MCAE) halo konferensia imprensa kona-ba apoiu ba retoma no manutensaun atividade planu no rekuperasaun ekonomia.

Liu husi konferensia imprensa ne’e, Vise Premeira Minista no Ministra Solidariedade Sosial no Inkluzaun (VPM-MSSI), Armanda Berta dos Santos hateten MCAE no MSSI komunika ona ba empreza  sira  hotu,  husi setor privadu ne’ebé rejista ona iha seguransa sosial, emprezáriu individual (ENIN), ba trabalhador ho konta rasik no trabalhador servisu doméstiku ne’ebé inskreve ona iha seguransa social, hafoin Dekretu-Lei Nu.51/2020, de 14 de Outubro, kona ba Apoio à Retoma e Manutenção da Atividade no Ambito do Plano de Recuperação Económica vigora iha teritório tomak.

Armanda Berta deahn Dekretu-Lei refere aprova medida apoiu ba retoma no manutensaun ba atividade ne’ebé governu kria, atu garante dezenvolvimentu ekonómiku no redus efeitu negativu ba ekonomia, impaktu husi krize sanitaria ne’ebé mosu hodi harahun ekonomia mundial.

Nia informa ba emprezáriu individual (ENIN), ba trabalhador ho konta rasik no trabalhador servisu doméstiku ne’ebé seidauk inskreve iha seguransa sosial, bele mai inskreve no rekere apoio ne’e.

“Tulun hirak ne’e fo ba sira ne’ebé mak iha kondisaun lakon reseita ka volume negósiu no hakarak atu retoma hikas sira nia atividade, no ba sira ne’ebe mak maske hakarak kontinua halao sira nia atividade, maibe legalmente la permiti,  tamba  distansiamentu obrigatorio atu hadook husi pandemia refere, hanesan ba ajensia viagem, hotelaria no restaurante sira”, hateten VPM-MSSI.

Entidade implementadora ba programa ne’e mak Institutu Nasional Seguransa Sosial (INSS), maibe ba pedidu rekerimentu bele hato’ó ba iha Centro Solidariedade Social iha Munisipiu sira no iha RAEOA.

Iha fatin hanesan Ministru Koodenador Asuntu Ekonomia (MCAE), Joaquim Amaral reforsa, katak ekipa ne’ebe sei implementa ba iha rekuperasaun ekonomiku, medidas tolu ne’e destinu ba apoiu atu kompanhia sira hahu fila-fali sira nia atividade ekonomia, apoiu ba sira nia trabalhadores sira, nune’e mos ba iha setor informal, sira ne’ebe serbisu ba sira nia-an rasik, inklui ba sira ne’ebe serbisu iha setor domestiku sira.

“Hau hanoin medidas sira ne’e atu tulun teb-tebes ita nia ekonomia kompania sira bele funsiona nafatin, mais kompania sira ne’ebe elizivel ba ida ne’e, tenki rejistu iha seguransa social hanesan kriteria ida”, dehan Joaquim Amaral.

LEAVE A REPLY

Please enter your comment!
Please enter your name here