Home EduTek Isabel: Edukasaun Mak Savi Ba Susesu, Presiza Profesores Sira Ne’ebe Kualidade

Isabel: Edukasaun Mak Savi Ba Susesu, Presiza Profesores Sira Ne’ebe Kualidade

957
0
Nain ba Fundasaun FCQR hamutuk ho embaixador Korea Lee Chin-Bum. [Foto: Bernarda da Costa | 03.10.2020]

Reportazen Bernarda da Costa

Edukasaun mak save ba susesu, bainhira edukasaun iha kualidade hamutuk ho manorin sira ne’ebe kualidade, sei sai savi dezenvolvimentu ba nasaun ne’e ho kualidade no transforma ema kualidade

Fundasaun Centro Quesadhip Ruak (FCQR) hamutuk ho Embaixada Korea realiza seminariu ho tema papel sidadaun ba dezenvolvimentu moris diak.

Nain ba fundasaun FCQR, Isabel Fereira hateten importante tebes  ba timoroan sira, liu-liu ba jovem sira hanesan futuru nasaun nian, tamba iha seminario ida ne’e emabaixador Korea hakarak eskola tema milagre iha Korea ba estudante sira.

“Hare ida maka timor presiza deit vontade ida, laos deit husi politiku sira mais tenke mai husi sidadaun sira tamba ita hare ba video sira nia nee laos politika, maibe kuaze sidadun hotu hakarak kontribui ba dezenvolvimento ba pais”, Isabel Ferera iha UNDIL, 01/03.

Nia dehan atu muda mentalidade ,em jeral hanesan ativista direitus humanus,  hanesan jovem timoroan ida partisipa luta ba iha ukun rasik-an, observasaun depoisde  restaura indepedensia haré ba problema jovem agora, seidauk iha oportunidade ida ne’e ho diak.

Isabel sujere ba jovem sira katak hakarak susesu depende ba ida-idak nian an.Tamba milagre laos tur ka reza deit, buat hotu mosu deit maibe milagre iha kuandu ita hakarak servisu makaas ho disiplina, halo mudansa ida milagre ne’e bele akontese.

Iha fatin hanesan estudante UNDIL, Juliana Imakulada Marques Abilio hateten seminar ba loron ohin importante, tamba hare ba iha tema katak oinsa atu kontribui ba dezenvolvimentu no sai sidadaun ne’ebe diak ba Timor.

“Hau rona liafuan importante husi orador koalia katak juventude bele halo mudansa liu husi edukasaun no siensia no mos labele husu demais ba iha nasaun, saida mak nasaun halo maibe hanesan sidadaun ida no individu ida, saida mak ita atu kontribui ba iha nasaun, hodi bele garante ba iha moris diak, ba iha sosiedade liu-liu ba iha dezenvolvimentu”, tenik Juliana.

Nia dehan hare ba iha realidade hatudu dezenvolvimentu Timor nian lao, maibe neneik la halimar laos impase politika mak fo afeta ba iha ida ne’e, maibe impase politika akompanha durante tinan tolu lao no la afeta ba iha ran no funu ka krime nebe boot entaun lao neneik.

“Reflesaun ikus,se lakohi estuda, se lakohi servisu diak liu, lalika han. Liafuan ne’e importante tebes ba ami juventudi sira,r ealidade hatudu katak joven Timor baruk atu lee livru sira, tamba wainhira ema ida la lee buat ruma, maka nia nunka hatene buat ida no ita sei lahalo mudansa ba iha an rasik”, dehan Juliana.

Iha seminariu ida ne’e hetan partisipasaun husi embaixada Korea Lee Chin-Bum, nain ba Fundasaun FCQR, Isabel Fereira, dosentes no mos estudante sira husi UNTL no UNDIL.

Print Friendly, PDF & Email

LEAVE A REPLY

Please enter your comment!
Please enter your name here