Home Notisia STAE Manatutu Distribui Ona Material Ba Sentru Votasaun, Eleitor Hamutuk 35.603

STAE Manatutu Distribui Ona Material Ba Sentru Votasaun, Eleitor Hamutuk 35.603

196
0
material ba eleisaun nian iha sentru votasaun Manatuto. [Foto: Santy | 18.03.2022]

Reportajen Santina Lucia da Costa

Sekretariadu Tékniku Administrasaun Eleitóral (STAE) iha Munisípiu Manatutu nia preparasaun iha ona faze distribuisaun material sensitivu ho non-sensitivu, ba iha sentru votasaun no estasaun votu sira. Sentru votasaun hamutuk 70 no estasaun votu hamutuk 78. no votantes hamutuk 35.603 mak sei tuir eleisaun.

Diretór STAE Munisípiu Manatuto, Mariano Natalino Soares da Silva, hateten, STAE iha Munisipiu Manatuto nia Preparasaun iha ona faze distribuisaun material sensitivu ho non-sensitivu ba iha sentru votasaun no estasaun votu sira. Sentru votasaun hamutu 70 no estasaun votu hamutuk 78.

“Prosesu distribuisaun loron ohin nian to’o oras ne’e dadaun ami iha ona sentru votasaun kuaze 98 % hela de’it sentru rua mak agora dadaun sei la’o hela ain ba sentru votasaun iha postu-administrativu Lalubar nian, suku Fatumakerek, no mós aldeia iha Sesahe, tanba dalan mak aat atu halo movimentasaun ho kareta, entaun sira uza meius la’o ain de’it. La’o ain presija oras 6.” dehan Diretor STAE Munisipiu Manatuto, Mariano Natalino Soares da Silva iha Manatuto, 18/3.

Mariano Natalino Soares da Silva, realsa, Parte seguransa nian iha ne’eba mós PNTL destakada ho ofisial eleitoral, no Brigadista sira, sira mak fó seguransa ba Material sira ne’ebé maka desloka ba.

Munisipiu Manatuto, Postu-Administrativu neen (6) mak hanesan, Manatuto villa, Laclubar, Soibada, Laleia, Laclo no Barique, Votantes hamutuk 35.603.

Entretantu, Administradór Postu-Administrativu Laleia, Cosme Ximenes, reforsa tan katak, Eleisaun Prezidensial tinan 2022 Laleia preparadu tuir eleisaun Prezidensial ne’e, iha Postu-Administrativu Laleia, kompostu husi sentru votasaun haat mak, Kairui, Samalai, Haturlalan no Lifau.

“Eleisaun Prezidensial tinan 2022 ne’e  ami Laleia preparadu atu tuir eleisaun Prezidensial ne’e, iha Postu-Administrativu Laleia, kompostu husi sentru votasaun haat mak, Kairui, Samalai, Haturlalan no Lifau, ohin ami ba simu urna iha STAE Manatuto no ami desloka kedas ba sentru votasaun ida-idak. ami prontu tuir eleisaun ne’e.” hateten, Administradór Postu-Administrativu Laleia, Cosme Ximenes.

Total votante iha Postu-Administrativu Laleia ne’ebé kompostu husi hamutuk 4000 resin, mak sei tuir eleisaun.

Print Friendly, PDF & Email

LEAVE A REPLY

Please enter your comment!
Please enter your name here