Home Saude Dengue sae Maka’as iha TL, Haforsa Autoridade Lokal Ba Prevensaun Dengue

Dengue sae Maka’as iha TL, Haforsa Autoridade Lokal Ba Prevensaun Dengue

177
0
Workshop konaba prevensaun dengue iha TL. [Foto: Cecilia | 30.03.2022]

Reportajen David da Costa Gusmao

Diretora Saúde munisipiu Dili (DSMD), Agustinha Segurado informa saúde munisipiu Dili serbisu hamutuk ho Cruz Vermella Timor-Leste (CVTL), realiza workshop hodi dezemina informasaun hodi reforsa autoridade lokál sira atu bele oinsa kontribui ba iha prevensaun surtu dengue iha Timor-Leste.

“Dezeminasaun ne’e ita hotu hatene katak iha klaran ona, tuir loloos ne’e informasaun ne’e antes, maibé inisiu tinan ida ne’e ita sei foti iha klaran, depois ita sei kontinua iha Agustu no Setembru. No ida ne’e hafanun nafatin autoridade lokal sira bele hola parte iha informasaun tanba  sira nia kontribui iha prevensaun  dengue importante, iha komunidade no oinsá mak sira nia jestaun lixu iha komunidade nia leet,” Dehan Diretora Saúde munisipiu Dili Agustinha Segurado, ba jornalista sira iha edifisiu Xanana Sport Formoza, Kuarta 30/03.

Nia haktuir bainhira dengue ne’e sae maka’as iha Dili, Saude mos hasoru hela dezafiu maka covid-19 no inundasaun ne’e afeta uituan servisu ne’ebé iha. Entaun Parte saúde nian protesaun ba dengue lá sufisiente, entaun ida ne’e sai dezafiu ida kontribui  kazu aumenta, ida mós ema tenke hare’e ba natureza bainhira parte saúde hakarak halo intervensaun ida ne’ebé di’ak.

“Dengue sae maka’as iha Timor, saude hasoru hela surtu Covid-19 no ita haree mosu inundasaun ne’ebé iha, Ita atu hare’e los fatin Ida riil ne’e laiha ona. Maiske ita hakarak fatin ne’e moos atu nune’e evita susuk tolun iha fatin, entaun foku iha fatin ida, maibé fatin publiku ne’ebé hare’e katak susuk dengue moris hela ne’e sabaraut hela,” tenik nia.

Entaun ho dezafiu sira ne’e na saúde munisipiu Dili nafstin servisu hamutuk ho parseiru sira hodi buka tentativa ida hodi bele halo intervensaun ho di’ak.Entaun saúde husu ba papel autoridade nian atu halo saida nia tenke dezamina informasaun ne’e ba komuidade sira.

Tanba papel autoridade lokál ne’e nia tenke dezamina informasaun dengue ne’e iha aldeia ida atu nunee bele halo intervensaun rotina hodi halo limpeza. Tanba limpeza nee sai hanesan pasu importante ida atu kontribui ba iha parte redusaun kazu dengue ne’e.

Iha fatin hanesan Sekretariu jeral Crus Vermella Timor-Leste (CVTL) Luis Pedro Pinto, hatete atividade ohin nee liuliu atu halo dezaminasaun informasaun kona ba kombate dengue nian, liuliu ba iha lider komunitariu sira ne’ebé mak iha munisipiu Dili.Tanba autoridade lokál sira nee mak pilar importante tebe-tebes, oinsá mak bele partilla informasaun sira ba iha komunidade sira tanba sira mak besik liu ba iha komunidade.

Ho ida ne’e mak CVTL servisu ho Ministeriu Saúde ho administrasaun munisipiu Dili nian, para bele halo dezaminasaun informasaun kona ba dengue nian.

Agora atu espesifika lider komunitariu sira oinsá mak halo prevensaun iha suku sira, tanba bazeia ba peskija husi saúde klase komunidade barak liu mak afeta husi dengue nee. Tanba nee mak atividade ne’ebé importante ba líder komunitariu sira mak oinsá haree kona ba prevensaun ba iha dengue ne’ebé mak akontese iha Timor laran sa’e maka’as.

“Asaun ne’ebé ami halo mak konaba prevensaun liuhusi dezeminasaun informasaun ba iha komunidade sira tama uma sai uma para bele edukasaun ba iha komunidade, ida fali mak halo fomigasaun no mós abatizasaun iha komunidade. Oinsá mak bele hamate susuk dengue nee nia tolun, atividade sira ne’e ami halo para oinsá komunidade sira nee bele hetan konesimentu,” hakotu nia.

Print Friendly, PDF & Email

LEAVE A REPLY

Please enter your comment!
Please enter your name here