Reportajen David da Costa Gusmao
Komisaun Nasional Eleisaun (CNE), José Agostinho Belo informa ohin CNE hahú ona hala’o apuramentu nasional ba bulletin votu nulu no reklamadu, tanba tuir lei ne’ebé maka iha presiza tenke halo verfikasaun ba voletin votus ne’eb’e maka nunu no reklamadu.
“Ohin oportunidade ida ne’e tuir ita nia lei orgaun elitorál, CNE ho SATE maka organiza eleisaun, no servisu tomak ne’ebe STAE hala’o iha sentru votasaun mai to’o iha munsipiu halo rekonsiliasaun akta hirak ne’e, tuir lei hosi rezultadu sei submete ba CNE, ida ne’e maka komisariu sira hamutuk ho Diretór Jerál, Diretór nasionál ho nia funsionariu sira hotu, ofisial, no mós supervizaun sira ita halo servisu oinsa maka atu verfika dadus sira ne’e, liuliu konaba votu nulu ho votu reklamadu ne’ebe konstan ona mai akta, ita presiza tuir lei ne’ebe iha tenke halo verfikasaun,” dehan Prezidente CNE , José Agostinho, iha salaun Lalini Larigutu CNE, Sexta 22/04.
Iha Prosesu verifikasaun segunda ronde ne’e, sei iha mudansa no la hanesan iha premeira volta ninia, iha mudansa ne’e atu ajuda diak liu tanba CNE, hodi serbisu lalais, verifika ho diak . CNE iha 72 oras halo verifikasaun ba votus nulu ho reklamadu, no mós CNE iha 72 oras hodi elabora akta, i sei fo sai rezultadu provizoriu.
Provizoriu katak, so tribunal maka kompetensia fó sai aktu validasaun no fó sai rezultadu final. Maibe lataka dalan ba kandidatu nain rua, laos deit kandidatu mais interesante sira mos bele halo rekursu ruma, no iha tempu 24 oras atu bele hato’o mas karik ida ne’e maka sei la mosu CNE sei submete ona ba tribunal rekursu para sira bele halo analize, haree ba dokumentu hot-hotu ne’ebe CNE ho STAE hato’o.
“Ita fiar metin katak serbisu CNE ho STAE halo la’o tuir padraun sira ne’ebe iha no hatudu duni responsabelidade ita nia kualidade oinsa para serbi povu no rai ida ne’e, ita fiar katak prosesu sira ne’e la’o tuir regras ne’e iha,” hateten Prezidente CNE.
Entertantu iha apuramentu nasionál ne’e hetan objervasaun hodi internasinál, Nasionál, no mós fisiksi no tim susesu hosi kandidatura nian no hetan seguransa masimu hosi Polisia Nasionál Timor-Leste.
Tuir Dadus hosi Sekretariu Tékniku Administrasaun Eleitorál (STAE) ne’e elitores ne’ebe maka rejistu hosi baze de dados STAE nian hamutuk 859, 925 hosi numeru elitor ne’ebe partesia iha elisaun prezidensial hodi ezerse direitu votu iha eleisaun segunda ronde iha Teritoriu Timor-Laran hamutuk na’in 646,389, ho taxa partisipasaun iha (75, 17%), hosi total lista eleitór mane 334, 177 (51,70%) no feto 312,212 (48,30%). No elitores ne’ebe la partisipa iha eleisaun prezidensiál hamutuk 213,536 (24,83%).
Nune’e mos iha eleisaun segunda Ronde ne’e iha votus validu 639,585 no taxa partesipasaun (98,95%), votu branku iha 1,438 (0,22%), votu nulu iha 5,048 (0,78%), votu reklamadu 277 (0,04%), votu rezeitadu iha 22 (0,00%) no ikus liu maka boletín votus abandonadu iha 17 (0,00%).
