Reportajen estajiadu UNTL, Joselina dos Santos
Estudante Eskola Ensinu Sekundáriu Jerál (EESG), 5 de Maiu hamutuk ema na’in 346 mak simu ona vasina AstraZeneca no Pfizer, hodi kompleta primeira doze ,segunda no terseira doze, maski situasaun Covid-19 iha Timor-Leste konsege redus ona, maibé Governu liu husi Ministériu Saúde nafatin kontinua servisu hodi fó vasina ba estudante sira atu prevene-an husi Covid-19.
Prezidente Ossis Eskola Ensino Secundário Jeral 5 de Maio, Octavio Pacheco Barbosa hatete, sente kontente tanba bele kompleta ona vasina AstraZeneca ba terseira doze, agradese mos ba pessoal saúde sira nia atendementu ne’ebé di’ak tebes tan gasta tempu hodi atende sira ho di’ak.
“Oihn ha’u mai kompleta vasina AstraZeneca ba terseira doze, maibé laiha reasaun ruma simu vasina ne’e tuir interese ne’ebé mak iha tanba nu’udar jerasaun foun, hakarak kumpri regulamentu no lakhoi lakon direitu ne’ebé mak parte Ministru Saúde iha ba ita,” dehan Prezidente Ossis Eskola ba Neon Metin iha Becora, 27/05.
Nune’e nu’udar timor-oan husu ba juventude sira keta fiar lia falsu ne’ebé iha, maibé tenke fi’ar a’an mai simu vasina, tanba tempu ruma ita la’os presiza de’it mak dokumentu eskola nian, maibé dala ruma ida ne’e governu nia planu atu enkaisa asuntu ne’e iha laran atu nune’e ba oin la’o di’ak.
Iha fatin hanesan Matadalan Konsellu Estudantíl EESG 5 de Maio, Simão de Jesus haktuir, Diretór ho estrutura Eskola servisu hamutuk ho inan aman estudante sira hodi deside hamutuk ho pesoal saúde sira husi Sentru Saúde becora hodi fó vasina AstraZaneca no Pfizer segunga doze no terseira doze ba estudante sira, maske moras mundial laiha ona iha Timor-Leste maibé governu liu husi Ministru Saúde organiza nafatin atu fó vasina ba estudante sira hodi livre husi Covid-19.
Nia dehan vasina ne’e la’os obrigatoriu, maibé ne’e regulamentu husi Ministériu Saúde nian ema hotu iha direitu atu simu tanba Covid-19 ne’e mundial entaun ita tenke kumpre no simu vasina para aumenta ita nia imunidade.
Pesoal Saúde Centro Saúde Becora (Saúde Publika), Luciana de Almeida Oliveira haktuir objetivu ohin loron ne’e atu fó vasina Pfizer ba labarik sira ho idade 12-17 no mos kompleta vasina AstraZeneca ba segunda doze no terseira doze, tanba ne’e regulamentu Ministeriu Saúde nian atu nune’e bele haforsa ita nia imunidade hodi bele prevene aan husi Covid-19.
Husu ba ema hotu tenke simu vasina ho kompletu, atu nune’e bele hadook aan husi Covid-19, maske iha Timor-Leste oihn loron laiha ona maibé tenke simu vasina tanba iha ita nia nasaun ne’e la’os ita mesak de’it maibé iha mos ema estrajeirus sira nune’e bele hada’et, Covid-19 ne’e mundial la’os akontese de’it ba mundu seluk maibe inklui mos Timor-Leste.
