Reportajen husi estajiadu UNTL, Joselina dos Santos
Relasiona publikasaun rezultadu teste finál ba vaga ho pozisaun Diretór Ezekutivu Forum Organizasaun Naun-Govenamental Timor-Leste (FONGTIL), ne’ebé publika ona iha loron 13 Maiu 2022, katak kandidatu ne’ebé pasa mak Valentino Xisto da Costa ‘Koko” sai hanesan Diretór Ezekutivu foun ba FONGTIL iha períodu 2022-2027.
Iha diskursu ne’e Diretór Ezekutivu Forum Organizasaun Naun-Governamental Timor-Leste (FONGTIL) foun Valentino Xisto da Costa hatete sei hahú nia serbisu iha loron 1 Juñu 2022, hamutuk ho sekretariadu iha mandatu ne’ebé diretór foun hala’o mak sei fahe informasaun ba membru sira, atu asegura koordenasaun ho membru no serbisu kapasitasaun ba membru sira.
“Sesaun ohin ne’e hanesan sesaun kona-ba prosesu foun diretór interinu nian mai iha diretór ezekutivu eleitu foun, tanba ne’e hanesan enober kona-ba serbisu ne’ebé sira halo iha tempu kotuk saida mak diretór foun notas atu kontinua servisu ba oin,” dehan Diretór Valentin Xisto da Costa iha nia diskursu, iha salaun FONGTIL Caicoli, 31/05.
Koko hatutan Iha mandatu tinan 4 ne’e kuaze membru sira la’o ona, hein Sekretáriu atu halo kompañia servisu liu husi advokasia, ami nia membru no rede sira servisu ba asuntu sosiál ne’ebé la’o iha setór hotu, hodi tau matan ba serbisu akontesimentu públiku nian kona-ba poitika sosiál no seluk tan.
“Ami sei fasilita ekipa sira organiza kona-ba diálogu, atu nune’e ita nia deskobrimentu sira ne’e, parte relevante sira bele konsidera politika publiku nian,” nia dehan.
