Reportazen Francisco JDA
Hafoin jornalista sira partisipa iha konferensia imprensa iha centru media Gabinete de Crise konaba moras virus Corona ne’ebe deklara hosi Dr. Rui Araujo nudar membru ba Centru Integradu no Vice Ministra Saude, Dra. Élia António de Araújo dos Reis Amaral nudar membru ba Komisaun Interministerial ne’ebe hato’dadus diferente konaba Covid-19, AsosiasaunJornalista Timor Lorosa’e [AJTL] no Timor Leste Press Union [TLPU] ezije ba Gabinete refere, atu fo informasaun ne’ebe loloos ho dadus ne’ebe la diferente, atu la hamosu konfuzaun ba publliku.
Presidente AJTL, Zevonia Vieira ba jornalista sira hateten, husu ba centru media Gabinete Jestaun de Crize no Secretario Estadu Comunicasaun Sosial (SECOMS) hodi halo koodernasaun ne’ebe diak,atu nune’e informasaun mai ho dadus ida deit no kredibel
“Fo dadus ne’ebé mak hanesan atu nune’e bele ajuda ami fo sai informasaun ne’ebé los no kredibel, hodi ajuda povu labele paniku no preokupa moras ida ne’e, no oinsa sira nafatin prevene an”, tenik Presidente AJTL, Zevonia Vieira iha CCD Merkadu Lama, 02/04
Iha Fatin hanesan, Presidente TLPU Manuel Pinto hateten Gabinete Jestaun de Crize ne’e sei iha problema entermos de koordenasaun
“Atu evita konfusaun iha públiku mak ami fo sujestaun, diak liu define uja autoridade gabinete Primeiru Ministru hanesan komando ba gabinete, deside porta voz ne’ebé mak fixu atu públiku hatene akompanha, atu informasaun hotu ema dehan One gate. Informasaun sai hosi ema ida de’it, karik ema diferente dokumentu tenki ofisiál, tenke mai hanesan labele ema nain rua ko’alia ba problema ida ho dadus ne’ebé mak la hanesan, ne’e ha’u hanoin la di’ak, tenke kria mekanismu di’ak entermus de utulizasaun”, tenik Presidente TLPU Manuel Pinto
Manuel hatutan centru media ne’e atu up to date iha sa oras tenke funsiona, atu nune’e fasilita jornalista labele konfusaun, atu fiar ba ida ne’ebé mak los. Jornalista konfusaun no halo rumor ba iha públiku. Ita hein katak aprende ho problema ida ne’e bele organiza informasaun ida sai hosi odamatan ida de’it, atu públiku bele komprende kona ba informasaun ba prevensaun Covid-19 iha Timor Leste.
