Home Notisia Covid-19, SECOMS: Informasaun Sai Hosi Gabinete de Crize Mak Oficial Ne’ebe Komanda...

Covid-19, SECOMS: Informasaun Sai Hosi Gabinete de Crize Mak Oficial Ne’ebe Komanda Hosi PM Taur

985
0
, Secretario Estadu Comunicasaun Sosial [SECOMS], Mericio Juvinal dos Reis Akara. [Foto: Zevonia Vieira | 02.03.2020]

Reportazen Francisco JDA

Hafoin konferensia imprensa ne’ebe hatoo hosi Gabinete de Crize, ne’ebe mak hili Dr. Rui Araujo  nudar membru ba Centru Integradu hodi esplika konaba situasaun Covid-19 ba jornalista sira no mos Vice Ministra Saude Élia António de Araújo dos Reis Amaral nudar membru ba Komisaun Interministerial deklara informasaun konaba dadus Covid-19, iha centru media Gabinete de Crize iha CCD, 02/04, hamosu dadus ne’ebe mak la hanesan hosi fontes nain rua ne’e.

Ho situasaun ida ne’e, Secretario Estadu Comunicasaun Sosial [SECOMS], Mericio Juvinal dos Reis Akara hala’o konferensia imprensa iha centru media, hodi esklarese ba jornalista sira konaba pozisaun hosi governu nian, se los mak atu ofisialmente atu koalia ba media sira konaba covid-19.

Merecio hateten centru media mosu hanesan unit kiik oan ida, Gabinete Jestaun de Crize bazeia ba lei ne’ebé lidera direita hosi Primeiru Ministru no Vise General Aluk nune’e bele lidera.

“Gabinete de Crize ida ne’e para halibur ita hotu, ita nia komunidade, ita nia nasaun tenke ida de’it ho komando ida de’it atu luta contra Virus Corona. Gabinete Criz hakarak fó informasaun hosi odamatan ida de’it, ekipa Gabinete Jestaun de Crize ida ne’e mak ofisiál. Di luar ida ne’e komando Gestaun Crize la hatene, se de’it mak ho informasaun intensaun privadu pesoal la reprezenta Gabinete de Crize”, deklara Mericio Juvinal dos Reis iha CCD Merkadu Lama 02/04.

Mericio hatutan SECOMS mak responsavel ba unidade ida ne’e, komunikasaun sosial relasaun públiku hakarak asegura bele divulga bele hasai hotu para sidadaun sira fiar ba informasaun ne’ebé Gabinete Jesstaun Crize hasai.

“Ohin reprezentante Gabinete de Crize ko’alia ida ne’e mak imformasaun los, restu ida ne’e informasaun privadu ne’ebé la reprezenta gabinete do Crise”, hateten Mericio Juvinal 

Tuir planu reprezentante Gabinete de Crize mak ko’alia mak Dr Rui Maria Araújo. Gabinete Crize mós inklui linha ministeriais hotu, inklui Ministerio Saúde nune’e informasaun hotu mai iha Gabinete de Crize hafoin deside se mak bele hato’o informasaun hotu liu hosi odamatan ida de’it, mak Gabinete Jestaun de Crize no Komando mak Primeiru Ministro Taur Matan Ruak

Iha antes ne’e Vice Ministra Dra. Alia mos deklara katak informasaun ne’ebe fo sai hosi Ministeriu Saude mak ofisial. Vice Ministra Dra. Elia A.A.dos Reis Amaral nudar membru ida hosi Komisaun Interministerial, Xefe ba Komisaun ne’e mak Primeiru Ministru Taur Matan Ruak. CIJK mak ekipa tekniku hodi halao operasaun relasiona ho COVID-19 nian

Durante Estadu Emerjénsia, CIJK sei funsiona nu’udar Sala Situasaun ho kompeténsia sira hanesan; presta apoiu téknika ba Komisaun Interministerial ne’ebé estabelese ona, koordena no monitoriza ezekusaun forsa tarefa sira, akompaña ba evolusaun sitasaun, trata informasaun hotu-hotu ne’ebé fó hosi serbisu kompetente, elabora estudu no proposta ho determinasaun hosi Komisaun Interministerial,  presta akonsellamentu ba asuntu relasionadu  no ezekuta tarefa sira ne’ebé determina ona hosi Komisaun Interministerial.

Print Friendly, PDF & Email

LEAVE A REPLY

Please enter your comment!
Please enter your name here